es eu en

Materialak bilatu

Bilaketa aurreratua

Heziketa baliabideak

Konta ezazu ondo

Eskubide eta betebeharrak. Gida didaktikoa

Pentsa ezazu koloreetan

Aipa ditzagun hiru eskubide hiritarrontzako oinarrizkoak kontsideratzen ditugunak. Zein betebehar bete behar ditugu pertsona guztioi eskubide hauek garantizatzeko? Aurkez dezakegu gelako beste kideentzat marrazki, mimika edo idazlan baten bidez gai honi buruz pentsatzen duguna?

Hiru eskubide zehatzen gainean eta beroriek bermatzeko behar diren hiritarron betebehar edo erantzukizunen inguruan lan egiteko proposamena egingo da. Horretarako, eskubide eta betebehar horiek azaldu beharko dira. Egiteko era librea da, beraiek erabakiko dute banaka, taldeka edo bikoteka egin, halaber erabaki beharko dute, nola azaldu nahi dituzten: mimika, pintura, plastika, idazlana, …

Erabakia era ordenatuan hartzeko eskatuko zaie eta behin “lana” amaituta gainontzeko ikaskideen aurrean azaltzeko esango zaie.

Bada Alboan-en eska daitekeen material osagarria. Girotzeko 10 kartel dira, gaiaren ingurukoak (eskubideak eta betebeharrak). Lehen proposaturiko jarduera burutu aurretik, neska-mutikoek kartelak ikus ditzakete eta banan-banan arretaz aztertu bakoitzak zer esan nahi duen “asmatzen” ahaleginduz. Azkenik, lanera zehazki dedikaturiko kartela osatu ahal izango dute bertan ezinbestekotzat jotzen dituzten eskubide eta betebeharrak aipatuz.

Material Eskubide eta betebeharrak. Gida didaktikoa
Iturria Aktibitate hau "Munduko hiritarrok" proiektu multidisziplinarraren baitan "Eskubideak eta betebeharrak" atalean kokatzen da, ikus entzunezko materiala osatzen duen gida didaktikoaren baitan.
Gaiak Sentimenduak eta pertsona arteko komunikazioa
Eskubideak eta betebeharrak
Gaitasunak Hizkuntzarako gaitasuna
Gizarterako eta hiritartasunerako gaitasuna
Irakasgaiak Etika
Hezkuntza-maila DBH 1 zikloa
DBH 2 zikloa
Batxilergoa
Adina 12-18 urte bitartean
Iraupena Ordu bat
Behar den materiala

Azalpena egiteko behar dena, eskubideak eta betebeharrak posterrak eta 2.1 fitxa

Fitxak 2.1 Fitxa (pdf, 73.6 KB)
© 2011 ALBOAN - Padre Lojendio, 2, 2º 48008 – Bilbao - Teléfono: 944 151 135 CC Licencia de Creative Commons