es eu en

Materialak bilatu

Bilaketa aurreratua

Heziketa baliabideak

Konta ezazu ondo

Munduko Hiritarrok. Eskubideak eta betebeharrak. DBH bigarren zikloa

Teknologiarako aukera, gure eskubideak erabili ahal izateko adierazlea

Giza Garapenaren Indizea osatzen duten aldagaiak (jaiotzerakoan bizi itxaropena, hezkuntza lorpenak eta barne-produktu gordin erreala per cápita) nahikoak al dira garapena neurtzeko edo besteren bat gehituko zenuke? Zein? Teknologietara sarbidea izatea ere garrantzitsua al da?

Teknologiarako aukerak garapena ahalbidetzen du, eta sarritan zalantzetan jartzen diru pertsonen eskubideak gaurko testuinguruan (informaziorako eskubidea, jabego intelektualerako eskubidea, etab). Nazio Batuetako Programak eginiko azken txostenean horren inguruko analisia egiten da. Proposamena bertan azaltzen diren datuen gainean hausnarketa egitea da. Hasiera batean, taldeka, garapen teknologikoaren Indizearen datuak emango zaizkie (http://www.undp.org/hdr2001/spanish/ Giza Garapenerako Txostena 2001, 2.kapitulua, 50-53 orr.). Indizea nola egin den asmatzeko eskatuko zaie eta lortutako datuak aurkezteko (daudenak eta ez daudenak) grafiko batzuetan. Ondoren, irakasleak txosten berean den indizea nola egin den azaldu ahal izango du, 48-49.orr. Azkenik, Giza Garapenerako Indizeko datuak emango zaizkie eta indize bietako datuekin (giza garapena eta teknologikoa) errealitate hau islatzen duen indize berria egiteko eskatuko zaie (beraiek uste duten arreta emanez). Egiteaz gain, herriak sailkatu beharko dituzte beraiek landutako irizpideen arabera gutxi gorabeherako neurri gisa moda, erdibidekoa, ohiko desbideraketa, etab. Oraingoan munduko mapa batean aurkez dezakete, … Talde bakoitzaren emaitzak azalduko zaizkio klase osoari. Eta mapa eta datuak ikusita pertsonen eskubideak ahalbidetu edo mugatzen dituen bitarteko legez eztabaida gaitezke teknologiari buruz. Talde bakoitzaren emaitzak azalduko dituzte.

Material Munduko Hiritarrok. Eskubideak eta betebeharrak. DBH bigarren zikloa
Iturria Aktibitate hau matematikako ikasgaian Derrigorrezko Bigarren Hezkuntza 2. zikloan lantzeko proposatzen da. Eskubideak eta betebeharrak atalean kokatzen da, Munduko hiritarrok proiektu multidisziplinarraren baitan.
Gaiak Giza garapena eta garapen jasangarria
Eskubideak eta betebeharrak
Gaitasunak Matematikarako gaitasuna
Norberaren autonomiarako eta ekimenerako gaitasuna
Informaziorako gaitasuna eta gaitasun digitala
Irakasgaiak Matematika
Hezkuntza-maila DBH 2 zikloa
Adina 14-16 urte
Iraupena 60 minutuko saio bi.
Behar den materiala

Teknologia Aurrerapenaren Indizeko datuak, Giza Garapenerako Indizea, kalkulagailua, kartulinak eta errotuladoreak. Behar diren dokumentuak Interneten aurki daitezke edo Giza garapenerako Txostena 2001ean. Alboan-en ere eska daitezke. Informazioa osa daiteke teknologiari buruzko munduko mapa interaktiboa ikusita eta aurretiaz aipatu den web orrialdeko inkestarekin.

© 2011 ALBOAN - Padre Lojendio, 2, 2º 48008 – Bilbao - Teléfono: 944 151 135 CC Licencia de Creative Commons