es eu en

Materialak bilatu

Bilaketa aurreratua

Heziketa baliabideak

Konta ezazu ondo

Munduko Hiritarrok. Eskubideak eta betebeharrak. Batxilergoa

Aurrera pausutxo bat… giza garapenaren alde

Zeintzuk izan ziren 1995. urteko Giza Garapenerako gailurrean hartu ziren konpromisoak? Zein neurritan ari dira herrialdeak hartutako konpromisoak betetzen?

Jarduera honen helburua, datu estatistikoen irakurketa eta interpretaziotik abiatuta, zenbait herriren egungo egoeraren gaineko azterketa bat egitea 1995eko Giza Gailurrean hartutako konpromisoei dagokienez. Horretarako, Gailur horretan hartutako konpromiso horien segimendua egiteaz arduratzen den GKEen talde batek ateratako datuak erabiliko dira. Modu horretara GKEek Gailur horietan duten betebeharretako bat betetzen da, alegia, konpromisoen segimendua egitearena (fitxa 1). Datuok honako helbidean aurki daitezke: http://www.socialwatch.org/.

Parte hartzaileak taldetan banatuko lirateke eta bakoitzari aztertu beharreko herri kopuru jakin bat banatuko litzaioke, bai beraiek aukeratu dituztelako, bai interesgarri suerta daitezkeelako. Hautaketa era bat izan daiteke giza eskubideak gehien eta gutxien errespetatzen diren herrien zerrenda bat egitea, edo betebehar gehien eta gutxien betetzen den herriena egitea. (Erabili beharreko datuak aurreko Web orrialdean daude 1999, 2000 eta 2001eko edizioetako “Metas cuantificables” atalean eta ikasleek lor ditzakete Internet bidez erabilita datu bilketarako zein aurretiaz hautaketa bat egin eta paperean emanda).
Ikasleei herri bakoitzak duen aurrera edo atzera egiteko erritmoa azaltzeko kalkuluak egin ditzaten eskatuko zaie. Horrekin batera, eta egungo ratioarekin, beraien ustez espero den emaitza zein urtetan lortuko den aipatzeko eskatuko zaie. Klasean aurkezteko, datuak eta emaitzak hobeto ikusteko grafikoak egin ditzaten eskatuko zaie.
Talde bakoitzak emaitzetan oinarrituta azalpen bat egingo du komunean, herri bakoitzean den egoera eta etorkizunerako espero dena agertuz.
Amaitzeko, herri batzuen inguruan dugun irudia emaitzekin kontratatuko da, bai eta Munduko Gailurrean hartutako konpromisoak betetzeko dituzten zailtasunak ere, hots, giza eskubideen errespetua.

Material Munduko Hiritarrok. Eskubideak eta betebeharrak. Batxilergoa
Iturria Aktibitate hau matematikako ikasgaian Batxilergoan lantzeko proposatzen da. Eskubideak eta betebeharrak atalean kokatzen da, Munduko hiritarrok proiektu multidisziplinarraren baitan
Gaiak Giza garapena eta garapen jasangarria
Eskubideak eta betebeharrak
Gaitasunak Matematikarako gaitasuna
Informaziorako gaitasuna eta gaitasun digitala
Gizarterako eta hiritartasunerako gaitasuna
Irakasgaiak Matematika
Hezkuntza-maila Batxilergoa
Adina 16 urtetik aurrera
Iraupena 50 minutuko saio bat
Behar den materiala

Datu estatistikoak, kalkulagailua, grafikoetarako papera, 2.1 fitxa eta 2.2 fitxa

Fitxak 2.2 Fitxa (pdf, 7.8 KB)
2.1 Fitxa (pdf, 15 KB)
© 2011 ALBOAN - Padre Lojendio, 2, 2º 48008 – Bilbao - Teléfono: 944 151 135 CC Licencia de Creative Commons