es eu en

Materialak bilatu

Bilaketa aurreratua

Heziketa baliabideak

Konta ezazu ondo

Pertsona errefuxiatuen begitarteak eta oinatzak: Jarduera gida

Begitarteak eta oinatzak

Nola bizi dira hemen beraien herrialdea, familia zein etxea utzi behar izan dituzten pertsonak? Zerk bultzatzen ditu dena uztera? Etorkin asko ezagutzen dugu?

Inguruko tokiren batera edo beste herrialde batera emigratu behar izan duten ezagunen lekukotasuna jasotzea proposatzen da. Horretarako, egin nahi dizkiegun galderak jasoko dituen elkarrizketa- gidoia prestatu eta gero, elkarrizketa egingo diegu hautatutako pertsonei. Jarraiki, elkarrizketak transkribatu eta gela edo lokala girotzeko erabiliko ditugu pertsona bakoitzaren gertaera gakoak gainerakoei azalduz. Beste aukera bat, egindako elkarrizketak bideoz grabatu eta taldean ikustea izango litzateke.

Aurkezpenaren ondoren, galdera hauen inguruko hausnarketa egingo dugu: bizitza-testigantza hauetatik zerk eragiten du inpakturik handiena? Zer kondiziok edo egoerak bultzatzen ditu pertsonak migratzera? Zer asmo eta nahi dituzte? Zer sentitu dute toki ezberdin batera heltzean? Zer zailtasun izan dituzte? Zer iradokitzen digu horrek guztiak? Testigantzetan patroi edo elementu komunak daude?

Azkenik, ondorioak beste panel batean aurkez ditzakegu gela edo lokala girotzeko edo iritzi-artikulu gisa idatz ditzakegu tokiko aldizkari batera bidaltzeko. Halaber, elkarrizketatutako pertsona bat edo gehiago gonbida ditzakegu eta haiekin eztabaida egin dezakegu.

Material Pertsona errefuxiatuen begitarteak eta oinatzak: Jarduera gida
Iturria “Pertsona errefuxiatuen begitarte eta oinatzak” ikus-entzunezkoaren gida didaktikoa.
Gaiak Kulturartekotasuna
Sentimenduak eta pertsona arteko komunikazioa
Pertsonen mugimendua
Gaitasunak Kulturarako eta arterako gaitasuna
Hizkuntzarako gaitasuna
Gizarterako eta hiritartasunerako gaitasuna
Irakasgaiak Gizarte-zientziak
Hizkuntza eta literatura
Etika
Erlijioa
Hezkuntza-maila DBH 2 zikloa
Batxilergoa
Adina 14 urtetik aurrera
Iraupena 50na minutuko 2 saio elkarrizketaz gain.
Behar den materiala

Papelografoa, errotuladoreak, zelo-papera eta elkarrizketarako beharrezkoak diren errekurtsoak.

© 2011 ALBOAN - Padre Lojendio, 2, 2º 48008 – Bilbao - Teléfono: 944 151 135 CC Licencia de Creative Commons