es eu en

Materialak bilatu

Bilaketa aurreratua

Heziketa baliabideak

Konta ezazu ondo

Munduko Hiritarrok. Parte Hartzea. Batxilergoa

Telebista-estudioa

Zein arazo ditugu eskolan? Bila diezaiekegu irtenbidea guztion artean? Konturatzen al gara eztabaida batean parte hartzen dugunean ditugun jarreretaz?Ikus dezagun zer konpon dezakegun eta nola konpon dezagun.
Ikasleak bi taldetan banatuko dira eta eztabaida bat egingo dutela azalduko zaie. Eztabaida hori bideoz grabatuko da. Gaia ikastetxean antzematen diren gatazkak izango dira. Eztabaidari ekiteko, ikasleentzat garrantzi gehiena duten gatazkei buruz hainbat ideia proposa daitezke (2.1 fitxan azaltzen den teknika). Eztabaidak gehienez 20 minutuko iraupena izango du eta denbora horretan arazoen matrizea egin beharko dute (2.2 fitxa).
Bi taldeak grabatutakoan, bakoitzak bere aldetik (ahal bada) bideoa aztertuko du.
Ondoren, arazoen matrizea aurkeztuko dute eztabaidako ondorioak azaltzeko.
Jarduerak bi helburu ditu. Batetik, komunikatzeko modua aztertzea (txandak errespetatzen diren, zein tonutan hitz egiten den, noiz eta zergatik sortzen den tentsioa, eztabaidak aurrera noiz egiten duen, noiz gelditzen den) eta taldearen barruan agertzen diren rolak aurkitzea (1. ariketako fitxak erabil daitezke). Gauza ez da etiketak jartzea, taldeko kide bakoitzaren motibazioak, interesak eta ekarpenak ezagutzea baizik. Bestetik, helburua da parte hartzeko ariketa bat egitea. Bertan ikastetxeko martxan eraginkortasunez parte hartzeko modu bat probatuko da.
Beraz, jarduera interesgarria da, nola komunikatu jakiteaz gain, arazoen matrizea azaldu baitaiteke eta proposamen bakoitzaren alderdi positiboak ere azpimarra baitaitezke.

Material Munduko Hiritarrok. Parte Hartzea. Batxilergoa
Iturria Aktibitate hau Hizkuntza eta literaturako batxilergo zikloan lantzeko proposatzen da. Parte- hartzea atalean kokatzen da, Munduko hiritarrok proiektu multidisziplinarraren baitan.
Gaiak Gatazken konponketa
Sentimenduak eta pertsona arteko komunikazioa
Parte-hartze soziala eta boluntariotza
Gaitasunak Norberaren autonomiarako eta ekimenerako gaitasuna
Hizkuntzarako gaitasuna
Gizarterako eta hiritartasunerako gaitasuna
Irakasgaiak Hizkuntza eta literatura
Hezkuntza-maila Batxilergoa
Adina 16 urtetik aurrera
Iraupena 50 minutuko bi saio
Behar den materiala

Papelografoa, errotuladoreak, bideo-kamera, bideo-zintak, bideoa eta telebista, 2.1 eta 2.2 fitxak.

Fitxak 2.2 Fitxa (pdf, 25.6 KB)
2.1 Fitxa (pdf, 22.1 KB)
© 2011 ALBOAN - Padre Lojendio, 2, 2º 48008 – Bilbao - Teléfono: 944 151 135 CC Licencia de Creative Commons