es eu en

Materialak bilatu

Bilaketa aurreratua

Heziketa baliabideak

Konta ezazu ondo

HAMA 2013. Irakaslearik gabe, eskolarik ez! Irakasle trebatu eta motibatuen alde

Nire ikasgela

Lurrean biribilean esertzeko esango die irakasleak neskatoei eta mutikoei; gero, esango die ikasgelari erreparatzeko eta esateko zer gauza dituzten gustukoen eta zertarako erabiltzen dituzten.

Elkarrizketa hori amaitutakoan, aipatutako elementu horiek eta ikasturtearen joanean ikasitakoa lotzen saiatu behar du irakasleak, ikaskuntza-prozesu horretan irakaslearen egitekoa zein izan den agerian utzita.

  • Zer ikasi duzue ikasturtearen joanean? zerekin? norekin?

Neskatoen eta mutikoen erantzunak arbelean idatziko dira, eta, taldetan jarrita, erantzun horietako bakoitzak ikaskuntzaprozesuan zenbateko garrantzia izan duen adieraziko dute.

Gero, ikasleak bi taldetan jarriko dira eta horma-irudi/marrazki bana egingo dute.

Talde batek ikasgela bat marraztuko du, eta aurreko zerrendan garrantzitsutzat hartu dituzten gauza guztiak marraztuko dituzte.

Beste taldeak, berriz, aurreko zerrendan adierazi dituzten gauzarik gabeko ikasgela bat marraztuko dute. Horma-irudiak egin eta gero, bateratze-lana egiteko galdera hauek edo antzekoak egingo zaizkie:

  • Zein horma-irudik du gure ikasgelaren antza handien? zergatik?

Irakaslearen egitekoa ardatz hartuta, beste galdera hau egingo zaie: zuen ustez, zer gertatuko litzateke irakaslerik ez balego ikasgelan?

Irakasleak azalduko die munduan badirela haiek dituzten bezalako ikastetxea zein ikasgela eduki ezin duten neskatoak eta mutikoak, eta haur batzuek, gainera, ezin dutela eskolara joan, haiek bizi diren tokian ez dagoelako irakaslerik.

Eskolara joan ahal izatea eta behar bezalako irakasleak eduki ahal izatea oso garrantzitsua dela gogoan izan dezaten ikasturtearen joanean, oroitzapenen kutxa egitea proposatuko zaie haurrei. kutxa horretan, ikasleek, aitek eta amek txikitan irakaslearekin bizi izandako une politen oroitzapenak gehitu ahal izango dituzte.

Material HAMA 2013. Irakaslearik gabe, eskolarik ez! Irakasle trebatu eta motibatuen alde
Iturria HAMA 2013. Irakaslerik gabe, eskolarik ez! Irakasle trebatu eta motibatuen alde.
Gaiak Eskubideak eta betebeharrak
Elkartasuna
Gaitasunak Ikasten ikasteko gaitasuna
Kulturarako eta arterako gaitasuna
Irakasgaiak Gizarte-zientziak
Hezkuntza-maila Haur Hezkuntza
Adina 3 - 5 urte
Iraupena ordu bat
Behar den materiala

Margoak eta errotulkiak eta murala egiteko beharrezko materiala.
1.2 Fitxa

Fitxak 1.2 Fitxa (pdf, 69.8 KB)
© 2011 ALBOAN - Padre Lojendio, 2, 2º 48008 – Bilbao - Teléfono: 944 151 135 CC Licencia de Creative Commons