es eu en

Materialak bilatu

Bilaketa aurreratua

Heziketa baliabideak

Konta ezazu ondo

HAMA 2013. Irakaslearik gabe, eskolarik ez! Irakasle trebatu eta motibatuen alde

Ikasgela zoriontsua

Lehendabizi, bi ikastetxetako argazkiei erreparatzea proposatuko da; bata Espainiako ikastetxe batena, eta bestea pobretutako herrialde bateko ikastetxe batena.

Horretarako, 4 ikaslez osatutako taldeak egingo ditugu, eta kide bakoitzak funtzio bat izango du: idazlea, bozeramailea, isiltasun-zaindaria eta animatzailea (denek parte hartzen dutela zainduko du).

Talde bakoitzeko bozeramaileak ikasgelako gainerako ikasleekin bateratze-lana egingo du, ikusitakoaren emaitzei buruz aritzeko. Bateratze-lana amaitutakoan, irakasleak edo beste ikasleren batek, mailaren arabera, kartoi mehe handi batean bilduko ditu egindako aipamen guztiak, eta izenburu hau jarriko dio: IKUSTEN DUT.

Berriro taldetan jarrita, irakasleak zenbait galdera egingo ditu, ikusi dituzten irudiei buruzko
hausnarketan sakondu dezaten. Zertan dira desberdinak bi argazkiak? Erantzunak abiapuntutzat hartuta, irudi horietako egoerei buruz pentsa dezaten sustatuko da. Zuen ustez, zer ari dira ikasten? Nola ikasten dute haur horiek? Zuen ustez, nola bizi dira? Liburuak eta koadernoak izango dituzte? zenbat haur daude?

Berriro egingo dugu bateratze-lana, eta taldeko kartoi mehean bilduko dira erantzunak. Hona hemen atal horren izenburua: PENTSATZEN DUT.

Erantzunik gabeko galderak beste kartoi mehe batean idatziko ditugu, eta izenburu hau jarriko dugu: NIRE BURUARI GALDETZEN DIOT. (komeni da kartoi mehe hori eskuragarri izatea ikasturteak iraun bitartean, gaia gogoan izateko, galdera gehiago idazteko eta haiei erantzuteko).

Orain arte landutakoaz baliatuta, eta amaierako hausnarketa egite aldera, irakasleak bereziki errepararaziko die ikasleei ikasteak eragiten duen pozari eta prozesu horretan irakaslearen egitekoak duen garrantziari. Horretarako, eta haurren ikuspegia oinarri hartuta, galdera hauek edo antzekoak egingo dizkie: Zertan dira berdinak irudi hauek? Zer behar da ikasgela bat edukitzeko? Zer da gehien gustatzean zaiguna egitea ikasgelan? Zer da nire irakasleez gehien gustatzen zaidana? Zer irakasten didate? Zer egiten dugu elkarrekin? Imajinatzen al duzu irakaslerik gabeko ikasgela? Nolakoa izango litzateke?

Gero, ikasle guztiekin eztabaida txiki bat antola daiteke, gaitzat hartuta nolakoa izan behar duen irakasle onak, zer ezaugarri eta zer prestakuntza izan behar duen… Horrez gain, azalduko zaie zenbait herrialdetan ezin dituztela irakasle onak eduki, baliabiderik eta ikasketarik ez dutelako.

Gero, eztabaida amaitu ondoren, proposatuko diegu bakarka edo taldean ikasgela zoriontsu baten irudia egiteko, nahi duten teknika erabiliz (marrazkia, collagea, modelatua…), eta HAUSNARKETA EGITEN DUT izenburua jarriko diogu.

Material HAMA 2013. Irakaslearik gabe, eskolarik ez! Irakasle trebatu eta motibatuen alde
Iturria HAMA 2013. Irakaslerik gabe, eskolarik ez! Irakasle trebatu eta motibatuen alde.
Gaiak Eskubideak eta betebeharrak
Elkartasuna
Gaitasunak Kulturarako eta arterako gaitasuna
Informaziorako gaitasuna eta gaitasun digitala
Espiritualtasunerako gaitasuna
Irakasgaiak Gizarte-zientziak
Etika
Hezkuntza-maila Lehen Hezkuntza
Adina 6 - 8 urte
Iraupena ordu bat
Behar den materiala

Argazkiak, kartulinak, folioak eta idaztekoa.
1.3 Fitxa

Fitxak 1.3 Fitxa (pdf, 715.6 KB)
© 2011 ALBOAN - Padre Lojendio, 2, 2º 48008 – Bilbao - Teléfono: 944 151 135 CC Licencia de Creative Commons