es eu en

Materialak bilatu

Bilaketa aurreratua

Heziketa baliabideak

Konta ezazu ondo

HAMA 2013. Irakaslearik gabe, eskolarik ez! Irakasle trebatu eta motibatuen alde

Hezkuntza-alorreko klasikoa

Ikasleak 6-7 kideko 4 taldetan banatuko ditugu.

Irakasleak jolasaren nondik norakoak azalduko dizkie. Talde bateko ikasleek eskuekin pasatu behar diote elkarri baloia, beste taldeko kideek baloia ez dietela hartzen saiatuz; hala, jarraian 10 pase egitea lortu behar dute.

Maila handiko kirol-taldeen antzera, talde bakoitzak entrenatzaile bat behar du –jolasean parte hartzen duten pertsona guztiek dagokien egitekoa ahalik eta ondoen betetzen dutela zainduko duena–, hark adierazitako teknikari jarraitzeko.

Azalpena eman ondoren, beren artean aukeratu behar dute nor izango den entrenatzailea, baina kontuan izan behar dute entrenatzailea ez dela jolasten, eremutik kanpo egon behar duela jarraibideak eta aginduak ematen, gertatzen den orori erreparatzen eta helburua lortzeko adorea
ematen bere taldekideei.

Entrenatzaileak hautatu ondoren, haien artean zozketa bat egingo dute, bi entrenatzailek denbora izan dezaten irakaslearekin hitz egiteko aurretik. Gainerakoak taldea entrenatzen hasiko dira.

Irakasleak jolasari buruzko azalpenak emango dizkie zozketa bidez hautatuko bi entrenatzaileei:

  • Bi taldek eremu erdian jolastuko dira baloi batekin. talde bakoitzeko pertsona batek, taldeak berak hautatutakoak, peto bat jantziko du eta ordezkotzakoa izango da. Pertsona horrek baloia 3 aldiz hartzen duen bakoitzeko, bere taldeakaparteko puntu bat lortuko du.
  • Ezin da pausorik eman baloia eskuetan izanik. pausorik emanez gero, falta izango da eta baloia beste taldeak hartuko du. Entrenatzaileek arauen berri emango dizkiete beren jokalariei.

Lehendabiziko aldian, arau guztiak dakizkien entrenatzaile baten taldea eta arau orokorrak dakizkien entrenatzaile baten taldea arituko dira jolasean.
Partidak 5 minutukoak izango dira, eta taldeek partidetan lortzen dituzten puntuak zenbatuko dituzte, nork bereak.

Bateratze-lana:

Partida guztiak amaitutakoan, ikasle guztiak emaitzei buruz arituko dira hizketan. Zer moduz? Zer gertatu da? Zer sentimendu izan du informazio gutxien zuen taldeak? Zer sentimendu izan du informazio gehien zuen taldeak?

Alderdi hauek aztertuko dira: talde bakoitzak zer alde on eta zer alde txar izan dituen, informazio berbera ez edukitzea bidezkoa den ala ez, informazio horren berri edukitzeko modua… Horrez gain, galdera bideratzaileak eginez, hausnarketa egingo dugu, hain zuzen, entrenatuko dituzten pertsona bat edukitzeak duen garrantziaz, hura ona izateak eta hark jolasaren arauak ondo jakiteak duen garrantziaz, bai eta teknika behar bezala azaltzeak duen garrantziaz ere. Nolakoa izan behar du entrenatzaile on batek? Zer jakin behar du? Zer gertatuko litzateke entrenatzailea ez balego behar bezala prestatuta edo informatuta? Zer ondorio eragingo lizkioke taldeari?

Amaieran, egoera horretan gertatzen denaren eta ikasle batek ikasleei ondo irakasteko behar besteko ezaguera ez duen ikasgelako egoeraren arteko antzekotasunak adieraziko dira.

Material HAMA 2013. Irakaslearik gabe, eskolarik ez! Irakasle trebatu eta motibatuen alde
Iturria HAMA 2013. Irakaslerik gabe, eskolarik ez! Irakasle trebatu eta motibatuen alde.
Gaiak Eskubideak eta betebeharrak
Elkartasuna
Gaitasunak Ikasten ikasteko gaitasuna
Gizarterako eta hiritartasunerako gaitasuna
Irakasgaiak Gorputz-hezkuntza
Hezkuntza-maila Lehen Hezkuntza
Adina 6 - 8 urte
Iraupena 45 minutu
Behar den materiala

Baloia
1.4 Fitxa

Fitxak 1.4 Fitxa (pdf, 101.6 KB)
© 2011 ALBOAN - Padre Lojendio, 2, 2º 48008 – Bilbao - Teléfono: 944 151 135 CC Licencia de Creative Commons