es eu en

Materialak bilatu

Bilaketa aurreratua

Heziketa baliabideak

Konta ezazu ondo

HAMA 2013. Irakaslearik gabe, eskolarik ez! Irakasle trebatu eta motibatuen alde

Munduko irakasleak

Munduan dauden hezkuntza-egoeren berri izatea ezarriko da xedetzat.
Horretarako, film hau edo zatiren batzuk ikustea proposatzen dugu: Taare Zameen

Nolakoak dira filmean ageri diren ikastetxea eta hezkuntza? Ba al du gurearen antzik? Zergatik? Nolakoa da haur protagonista? Nolakoa da irakaslea?

Egoerei buruz gehiago jakiteko, ikasleei proposatuko zaie egunkarietan, aldizkarietan, interneten eta beste bitarteko batzuetan aurkitzeko hezkuntza egoera desberdinak erakusten dituzten ikasgelen irudiak, eta irudi horiek aztertzeko.

  • Zer ageri da horietako bakoitzean? zertan dira berdinak eta zertan desberdinak?
  • Zer herrialdetakoak edo eskualdetakoak izan daitezke? zer dakigu eskualde horietaz?

Irudiak ikusi eta haiei buruz hizketan aritu ondoren, 4 edo 5 ikaslez osatutako taldeak egingo ditugu. talde bakoitzak irudi bat hautatuko du eta irudi horrek erakusten duen egoera antzeztuko du ikasgelan.
Nolakoa izan behar luke ikasgelak? zer irakasten dute? nolakoa da irakaslea? nolakoak dira ikasleak? zer material erabiltzen dituzte? zer jarduera egiten dituzte?

Talde guztiek antzezlana egin eta gero, irakasleak talde bakoitzari emango dio hautatu duen irudia.

Talde bakoitzari eskatuko zaio herrialde horri buruzko oinarrizko informazioa eta hezkuntzaren egoerari buruzko informazioa bilatzeko, eta antzezlan bat prestatzeko argazkietan erakusten diren hezkuntza-egoerak adierazteko.

Antzezlana bideratze aldera eta antzezlanaren ondoren egingo den bateratze-lana bultzatze aldera, irakaslearen egitekoa eta egiteko horrek ikasleengan duen eragina erakusten duten eszenei bereziki erreparatuko zaie.

Antzezlan bakoitzaren ondoren, hari buruz arituko gara, galdera hauek edo antzekoak eginez:

  • Zer ageri da horietako bakoitzean? zer ikasi dugu herrialde horietako hezkuntzaren
    egoerari buruz, lehen ez genekiena?
  • Gure egoeraren antzekoak edo desberdinak erakusten dira? zergatik?
  • Zuen ustez, non ikas daiteke gehiago eta hobeto? zergatik?
  • Zer gauza dira garrantzitsuak ikasteko? Nolakoa izan behar du irakasleak egoera horretan? Ba al du garrantzirik irakasleak ikasteko? Zergatik? Nolakoa izango litzateke irakaslerik gabeko ikasgela bat?

Datu berri horiez baliatuta, neskato eta mutiko horien hezkuntza-gabeziaz hitz egin daiteke, bai eta kalitate oneko hezkuntzarako behar bezala prestatutako irakasleen premiaz ere, besteak beste. Horrez gain, irakasleen egoera munduan barrena nolakoa den gaitzat hartuta ere egingo dugu hausnarketa (unitate didaktiko honen hasieran badira zenbait datu).

Jarduera honek sentsibilizazio handiagoa eragin dezan, ikasleei proposatuko zaie ikastetxeko gainerako ikaskideen aurrean ere egiteko antzezlana, munduko hezkuntza-egoerak eta egoera horrek eragiten dituen ondorioak erakusteko.

Material HAMA 2013. Irakaslearik gabe, eskolarik ez! Irakasle trebatu eta motibatuen alde
Iturria HAMA 2013. Irakaslerik gabe, eskolarik ez! Irakasle trebatu eta motibatuen alde.
Gaiak Eskubideak eta betebeharrak
Elkartasuna
Gaitasunak Hizkuntzarako gaitasuna
Ikasten ikasteko gaitasuna
Informaziorako gaitasuna eta gaitasun digitala
Irakasgaiak Gizarte-zientziak
Hezkuntza-maila Lehen Hezkuntza
Adina 8 - 10 urte
Iraupena ordu bat
Behar den materiala

Pelikula, egunkaria, internet, argazkiak
1.5 Fitxa

Fitxak 1.5 Fitxa (pdf, 615.3 KB)
© 2011 ALBOAN - Padre Lojendio, 2, 2º 48008 – Bilbao - Teléfono: 944 151 135 CC Licencia de Creative Commons