es eu en

Materialak bilatu

Bilaketa aurreratua

Heziketa baliabideak

Konta ezazu ondo

HAMA 2013. Irakaslearik gabe, eskolarik ez! Irakasle trebatu eta motibatuen alde

Gogoan ditugun irakasleak

Irakasleek hezkuntzan duten garrantziari buruzko gaia lantzen hasi baino lehen, eta gero, garrantziari buruzko hausnarketa egiteko, dokumental hauek ikustea proposatzen da:

Pensando en los demás. 2004. Japón. 55 min.
Ser y tener. 2002. Francia. 104 min.

Dokumental horiek ikusi ondoren eta gaiari buruzko hausnarketa egin ondoren, ikasleei proposatuko zaie beren ingurune hurbileko pertsonekin elkartzeko eta bereziki gogoan duten (onera zein txarrera) irakasleren bati buruzko galderak egiteko haiei.

Ikasleek hainbat jatorritako eta adinetako jendearen lekukotzak lortu behar dituzte (grabatuta edo idatzita). Horretarako, ikasleak hiru taldetan banatuko ditugu: talde batek beren aitona-amonen belaunaldiko pertsonei egingo dizkie elkarrizketak. Beste taldeak gurasoen belaunaldiko pertsonei. Eta hirugarrenak, berriz, beren belaunaldikoei (lagunak, anaia-arrebak).

Elkarrizketarako galderak ikasgelan prestatuko dira, irakaslearen laguntzarekin. elkarrizketak banaka zein taldeka egingo dituzte, eta egin aurretik, elkarrizketatuko dituzten pertsonen testuinguru historiko, sozial, politiko eta ekonomikoari buruzko informazioa bildu behar dute.

Bildutako informazio hori guztia abiapuntu hartuta, bateratze-lana egingo dute taldeka, taldekideen artean ondorioak ateratzeko (berezitasunak, berdintasunak…)

Gero, irakasleei eta hezkuntzari buruz talde bakoitzak bildu dituen iritziak gainerako ikaskideei jakinaraziko dizkie, belaunaldien eta lekukotasunen arabera.

  • Zertan dira berdinak oroitzapen horiek? zertan dira desberdinak?
  • Lekukotasun horietan, errepikatu al da ezaugarri positiboren bat? eta negatiborik? zergatik?
  • Zehaztu al dezakegu nolakoa den irakasle ideala? Zergatik? Elkarrizketetan eta bateratze-lanean bildutako informazio horretaz baliatuta, argitalpen sinple bat edo ikasgelako aldizkari bat egitea proposatzen da, lan hori gordeta gera dadin eta ikastetxean bertan eta udalerrian banatu ahal izateko.
Material HAMA 2013. Irakaslearik gabe, eskolarik ez! Irakasle trebatu eta motibatuen alde
Iturria HAMA 2013. Irakaslerik gabe, eskolarik ez! Irakasle trebatu eta motibatuen alde.
Gaiak Eskubideak eta betebeharrak
Elkartasuna
Gaitasunak Informaziorako gaitasuna eta gaitasun digitala
Ikasten ikasteko gaitasuna
Gizarterako eta hiritartasunerako gaitasuna
Irakasgaiak Gizarte-zientziak
Hezkuntza-maila Lehen Hezkuntza
Adina 10 - 12 urte
Iraupena Ordu bat eta klasetik kanpoko beharrezko denbora.
Behar den materiala

1.7 Fitxa

Fitxak 1.7 Fitxa (pdf, 569.4 KB)
© 2011 ALBOAN - Padre Lojendio, 2, 2º 48008 – Bilbao - Teléfono: 944 151 135 CC Licencia de Creative Commons