es eu en

Materialak bilatu

Bilaketa aurreratua

Heziketa baliabideak

Konta ezazu ondo

HAMA 2013. Irakaslearik gabe, eskolarik ez! Irakasle trebatu eta motibatuen alde

Gure irakasleak, gure etorkizuna...

Munduko hainbat tokitako neskato-mutikoen lekukotza hauek irakurriko dira taldean; haien bidez, zenbait hezkuntza-egoeraren berri izango dugu.

Banaka edo talde txikitan jarrita, irakurritako lekukotza horietako bat aukeratu behar dute. Hura abiapuntu hartuta, ikasleei esango diegu komiki-formatuan berregiteko lekukotzan irakurritakoa, eta asmatzen saiatzeko nola jarraitzen duen eta nola amaitzen den protagonistaren bizitza.
Irakurritakoa kontuan hartuta, egoerari buruzko zer ondorio atera daitezke?
Nola irudikatu dute aukeratutako lekukotzako protagonistaren etorkizuna? nola eragiten dio pertsona horren garapenari jasotzen duen prestakuntzaren kalitateak?

Horretarako, aukeratutako lekukotzako herrialdeko egoera sozialari, politikoari eta hezkuntza-alorrekoari buruzko informazioa biltzeko esango zaie ikasleei.

Aztertutako egoera horien berri izan dezaten ikasle guztiek, talde bakoitzak marraztutako istorioa gainerako ikaskideei aurkeztuko die, aukeratutako lekukotzako herrialdeko hezkuntzari buruzko oinarrizko datuak azalduz.

Bateratze-lana egiterakoan, azaldutako egoera horiek zertan diren antzekoak eta zertan diren desberdinak adieraziko dute, eta irakasleen kalitateak duen garrantzia bereziki adierazi.

  • Zergatik dira desberdinak egoerak?
  • Zer faktoreren baitan dago hezkuntzaren kalitatea?
  • Zer faktoreren baitan dago irakasleen prestakuntza?

Lan horiez baliatuta, sentsibilizatzeko horma-irudiak egin daitezke, kalitate oneko hezkuntzan irakasleak zenbateko garrantzia duen nabarmen adierazten duen lelo bat idatzita bertan. adibidez: “Gure irakasleak = gure etorkizuna”.

Material HAMA 2013. Irakaslearik gabe, eskolarik ez! Irakasle trebatu eta motibatuen alde
Iturria HAMA 2013. Irakaslerik gabe, eskolarik ez! Irakasle trebatu eta motibatuen alde.
Gaiak Eskubideak eta betebeharrak
Elkartasuna
Gaitasunak Hizkuntzarako gaitasuna
Kulturarako eta arterako gaitasuna
Informaziorako gaitasuna eta gaitasun digitala
Irakasgaiak Gizarte-zientziak
Hezkuntza-maila Lehen Hezkuntza
Adina 10 - 12 urte
Iraupena ordu bat
Behar den materiala

Lekukotzak, boligrafoa, folioak, errotulkiak.
1.8 Fitxa

Fitxak 1.8 Fitxa (pdf, 144.7 KB)
© 2011 ALBOAN - Padre Lojendio, 2, 2º 48008 – Bilbao - Teléfono: 944 151 135 CC Licencia de Creative Commons