es eu en

Materialak bilatu

Bilaketa aurreratua

Heziketa baliabideak

Konta ezazu ondo

HAMA 2013. Irakaslearik gabe, eskolarik ez! Irakasle trebatu eta motibatuen alde

Gure parte-hartzea prestatutako irakasleak eta behar adina irakasle edukitzearen alde lan egiteko

Pink Floyd taldearen The Wall abestiaren bideoa erakutsiko zaie ikasleei. Bideoa ikusi ondoren, galdera hauek egingo dizkiegu, bakarka erantzun ditzaten:

Zein da abestiaren ideia nagusia?
Zer hezkuntza-ereduri buruzko kritika da?, eta zer beste eredu aipatzen du?
Zure ustez, irakasle baten egitekoa irakastea edo heztea da?
Ezagutzen al duzu hezkuntza-ereduei buruzko beste abestiren bat? zer abesti? zer diote?

Hezkuntzaren aldeko Mundu kanpainaren ekimenak hau du xede: guztiontzako kalitate oneko hezkuntzarako eskubidea toki-mailan zein nazioartean lortzeko kontzientzia harraraztea. ezagutzen al duzu beste ekimenen bat? zein?

Ikasleei esango zaie banaka edo taldeka aipatzeko (edo bilatzeko, denbora gehiago edukiz gero) halako adibideren bat eta ekimen horren berri gainerako ikaskideei emateko; horretarako, egin galdera hauek edo antzekoak: nork sustatu du ekimena? zer salatu nahi du? zer helburu ditu ekimenak? zer estrategiaz baliatzen da helburuak lortzeko?

Horren ildo beretik eta bateratze-lanean egindako hausnarketaren ondoren, 4 edo 5 laguneko talde mistoak osatuko dira, eta sentsibilizazio-jarduera hauetakoren bat egitea proposatuko zaie, beren komunitatean horren berri eman dezaten:

  • Gutun bat idaztea administrazio publiko eskudunei (zentrala, autonomia erkidegokoa eta/edo tokian tokikoa), adierazteko zergatik den errentagarria hezkuntzan inbertitzea, eta hain zuzen, irakasleen etengabeko prestakuntzan inbertitzea.
  • Ingurune hurbileko zein nazioarteko hezkuntza-alorrean egunerokotasuna duen aldarrikapen bat laburbiltzen duen eslogan bat sortzea.
  • Kartel bat egitea irudiekin (publizitate-motakoa), pobretutako herrialdeetan, estatuak hezkuntzaren alorrean eta irakasleen prestakuntzan ahalegina egin dezan eta inberti dezan eskatzeko.
  • Bideo sinple bat edo lip dub esaten zaiona egitea, kritika eginez (aldarrikatuz, umorez, etab.), adierazteko guztiok dugula hezkuntzarako eskubidea eta gogorarazteko botere publikoen betebeharra dela eskubide hori eraginkorra eta unibertsala izan dadin bermatzea, eta bereziki adierazteko ikastetxeetan eta irakasleengan inbertitzea ezinbestekoa dela.
Material HAMA 2013. Irakaslearik gabe, eskolarik ez! Irakasle trebatu eta motibatuen alde
Iturria HAMA 2013. Irakaslerik gabe, eskolarik ez! Irakasle trebatu eta motibatuen alde.
Gaiak Eskubideak eta betebeharrak
Elkartasuna
Gaitasunak Hizkuntzarako gaitasuna
Ikasten ikasteko gaitasuna
Irakasgaiak Gizarte-zientziak
Etika
Hezkuntza-maila DBH 1 zikloa
Adina 14 - 16 urte
Iraupena 45 minutu
Behar den materiala

Errotulkiak, folioak, boligrafoak.
1.4 Fitxa

Fitxak 1.4 Fitxa (pdf, 105.9 KB)
© 2011 ALBOAN - Padre Lojendio, 2, 2º 48008 – Bilbao - Teléfono: 944 151 135 CC Licencia de Creative Commons