es eu en

Materialak bilatu

Bilaketa aurreratua

Heziketa baliabideak

Konta ezazu ondo

Gorputz-hezkuntza

Jarduerak

Orekaren bila

Egin dezagun kirol pixka bat! Saia gaitezen luzera ezberdina duen lagun batekin oreka bilatzen! Zer kondizio da beharrezkoa? Eta eskubide eta betebeharren artean oreka mantentzeko zer da beharrezkoa?

Ezinezko zeregina

Pertsona guztiak zerbaitetan parte-hartzen dugunean, erraza al da taldea koordinatzea eta akordioetara iristea? Nola antola gaitezke horretarako? Zein nolako egoeretan parte hartu izaten dugu? Nola egiten dugu? Nola sentitzen gara? Pena merezi al du?
Ikasleak bi talde handitan banatu eta bakoitzak zeregin bat izango du.

Parte hartu nahi dut

Animatzen gara antzeztera mimika bidez hiritarrek parte-hartzeko duten bide bat? Nola sentituko ginateke beste talde batek ez baligu parte-hartzen utziko? Hiritarren parte-hartzea pertsona guztien oinarrizko eskubide bat al da?

Makii

Ikas dezagun Ginea Berriko bolo joko bat. Zaila egin zaizue jokoan berdinketa lortzea? Ohituak al gaude berdinketa bilatzera jolasten ari garenean? Eta zer lortzen da pertsona guztiek parte-hartzen dutenean helburu bera lortzean?

Zer dio gure gorputzak?

Egin dezagun ideia zaparrada bat parte-hartzea hitzarekin. Zein hitzekin erlazionatzen dugu? Gai izango al ginateke gure gorputzekin eta taldeka ideia zaparradako hitzen batekin hizki bat irudikatzeko? Eta hizki guztia beste taldeekin koordinatuta? Zer behar dugu horretarako?

Pertsonen kontrako minak

Imajina dezakegu zuen burua minez jositako leku batean bizitzen? Edota nola sentituko ginateke errefuxiatuak izango bagina eta minaz jositako lekua zeharkatu beharko bagenu? Minaz jositako toki batean bizitzeari zer nolako eragozpenak aurkitzen dizkiogu? Ondorengo jardueran, zatika, galdera hauen inguruan gogoeta proposatzen da.

Makinak ibiltzen

Simula dezakegu espresibitatez ikaskide ezberdinen artean makina bat garela? Zer litzateke beharrezkoa makina honek funtziona dezan? Eta munduak funtziona dezan?

Ura!

Pertsona guztiok al dauzkagu aukera berberak bizitza duina izateko? Emakume eta gizonen artean adibidez ba al dago desberdintasunik, eta txiro eta aberatsen artean? Zer egin dezakegu hori aldatzeko?

Zubiak eraikitzen

Pertsona guztiok trebetasun berberak ditugu? Pertsona bakoitzak ahal duena ematen badu taldeak irabazten al du? Jarduera gune bat lurrean zuzenean sostengatzeko ezer jarri gabe zeharkatzean datza. Ikasleei azalduko zaie alegiazko ibaia zeharkatu behar dutela “busti” gabe pasatzea ahalbidetuko dien zubia osatuz.

Berdinak edo ezberdinak?

Berdinak al gara guztiok klasean? Eta etxean edo auzoan? Hobea al da era batekoa edo bestekoa izatea? Zergatik? Nola litzateke mundua guztiok berdinak bagina?

Bidea garbitzea

Posible al da ahozko komunikazioa erabili gabe arazoak konpontzea?

Arrantza

Nola laguntzen du talde komunikazio egokiak eta helburuak garbi izateak arazo baten konponbidean? Nolako estrategia komeni da garatzea horretarako?
Aretoa bitan banatuko da: itsasoa eta hondarra. Hiru boluntario eskatuko dira eta horiek arrantzale bihurtuko dira. Gainerakoak itsasoan igeri lasai dabiltzan arrainak izango dira. Arrantzaleen lana itsasoan sartu eta arrainak hondarretara eramatea izango da. Arrantza hainbat modutan egin daiteke. Bi baldintza bete behar dira: jarrera bortitzak ez erabiltzea eta arrantza egiten ez duten pertsonek uretan arnasarik ez hartzea. Beraz, ‘itsasoan sartzen’ diren bakoitzean arnasari eutsi beharko diote eta ozen eta etengabe honako hau esan beharko dute: “TUTUTUTU”. Airea agortutakoan, uretatik irten beharko dute, hondarretan arnasa hartu eta berriro uretan sartu. Arrain bat harrapatzen duten bakoitzean, automatikoki arrantzale bihurtuko da. Arrain guztiak harrapatu eta arrantzale bihurtzean amaituko da jokoa.
Bai arrainek, bai arrantzaleek beren estrategia bilatu behar dute. Bi taldeen helburua elkarri laguntzea da. Arrantzaleek arrantzan jarraitzeko estrategia bat aurkitzen ez badute, laguntza jaso dezakete:
- Arrantzan taldeka egitea, eta ez bakarka.
- Arrantza-saiakera bakoitzaren ondoren, estrategian berriro pentsatzea eta aldatzea, arrainak ustekabean harrapatzeko eta/edo egoera berrira egokitzeko.
- Uretan txandaka sartzea, denak batera sartu beharrean eta arnasa hartzeko lanak erdizka utzi beharrean.
- Arrainak elkartzen badira (hanketatik eta besoetatik), atzean kokatzea eta bultza egitea bloke osoa hondarretara eramateko.

Amarauna

Nolako estrategiak gara ditzakegu taldekide guztiek amarauna ukitu gabe pasatzeko? Zein nolako erabakiak hartu behar izan ditugu jardueran aurrera egin dugun heinean? Nola hartu dira erabaki hauek?

Tren itsua

Nola zuzendu dezake tren-gidari mutu batek treneko bidaiari itsuak tren honek talkarik egin gabe mugitzeko? Zein estrategia bururatzen zaizkigu informazioa bidaiariei helarazteko? Eta nolako jarrerak behar ditugu izan arazoak saihesteko?

Giza mordoiloa

Posible al dugu gelako gainerako ikaskideak giza sare batetik deslotzea? Zer behar dugu horretarako?

© 2011 ALBOAN - Padre Lojendio, 2, 2º 48008 – Bilbao - Teléfono: 944 151 135 CC Licencia de Creative Commons