es eu en

Esperientziak bilatu

Heziketa baliabideak

Konta ezazu ondo

Navarro Villoslada BHIko “Elkartasunaren aldeko eskolen” lantaldea munduko milaka iheslariren errealitatera hurbildu da

P1110861

IES Navarro Villoslada, Pamplona (2013)

Erakundeak IES Navarro Villoslada
Talde helburua DBH 1.
Iraupena 10 Egun

Apirilaren 8tik 19ra, Iruñeko Navarra V illoslada BHIko “Elkartasunaren aldeko eskolen” lantaldeak hainbat jarduera antolatu zituen iheslarien gaiaren inguruan, bereziki, iheslarien esparruetan ematen diren hezkuntza baldintzak azpimarratuz. Jarduera horien helburuak ondokoak izan dira:
1. Baldintza horietan hezten diren ehunka mila lagunekin enpatizatzea, elkartasuna sustatzeko.

2. Ongizatearen gizarteak hezkuntzari dagokionez eskaintzen dizkigun aukerez jabetzea, mendeetan zehar lortu denarekiko herritartasun arduratsua sustatzeko.

3. Gure inguruan ditugun baliabideak balioesten ikastea, haiekin arduratsuak eta errespetuzkoak izanen diren ekintzak eta, orobat, kontzientzia kritikoa sustatzeko, baliabide horiek ez daitezen xahutuak edo gaizki erabiliak izan.

4. Hezkuntzan aurrera egiteko ikasleek dituzten aukerak gehitzea.

5. Autonomia eta ekimen pertsonalaren oinarrizko gaitasuna garatzea, bizitza planak eta proiektu pertsonalak osatzen eta gidatzen lagunduz.

Egin diren jarduera guztien artean hiru nabarmendu daitezke, DBHko ikasle guztiek parte hartu baitute haietan, 600 ikasle inguruk.
Lehenik, ikastetxeko korridoreetan egindako argazki erakusketa. Bertan, iheslarien esparru desberdinetan hartutako 20 argazki erakutsi ziren. DBHko talde guztiek bisitatu zuten erakusketa eta hartarako prestatutako hezkuntza gida bat izan zuten.
Bestalde, Saharako eta Txadeko iheslarien esparruen eta hango hezkuntza sistemaren gaineko hitzaldiak eskaini ziren. ANARASD eta Alboan erakundeek eman zituzten.
Eta, azkenik, DBHko 1. mailako ikasleek eskola arrunt bat hartu zuten ikastetxeko lorategian horretarako moldatu zen jaima -ikasgela batean. Ikasgela horretan aulki batzuk eta arbel txiki bat besterik ez zeuden. Jaima Ermitagañako Dendari Izar eskaut taldeak instalatu zuen.
Datozen asteetan gai honen beraren inguruko ikus-entzunezkoak proiektatzea aurreikusita dago, egindako jarduerak indartzeko.

Argazkiak

Agiriak

© 2011 ALBOAN - Padre Lojendio, 2, 2º 48008 – Bilbao - Teléfono: 944 151 135 CC Licencia de Creative Commons