es eu en

Materialak bilatu

Bilaketa aurreratua

Heziketa baliabideak

Konta ezazu ondo

Ahimsa. Gatazkak konpontzea

Vid_alb_ahi eu

Kultura askotako eta ikuspuntu, bizimodu, behar, interes… anitzeko pertsonek eta taldeek osatutako gizartean bizi gara. Dibertsitatearen aberastasuna da, eta aberastasun horren barruan sartzen da gatazka ere, ez baitago bizitza sozialik gatazkarik gabe. Ahimsak, gatazkak konpontzeko tradizio indiarretik oinordetutako aspaldiko jarrerak, gure gatazkei era baketsuan aurre egiten erakusten digu. Filosofia horren barruan, adin eta kultura askotako pertsonek gatazkak ebazteko era desberdinak erakusten dizkigute, elakarrizketa rehabilita eta indarkeria baztertuta.

Ahimsa. 1. zatia from ALBOAN on Vimeo.

Ahimsa. Gatazkak konpontzea. 2. zatia from ALBOAN on Vimeo.

Ahimsa. Gatazkak konpontzea. 3. zatia from ALBOAN on Vimeo.

Ahimsa. Gatazkak konpontzea. 4. zatia from ALBOAN on Vimeo.

Ahimsa. Gatazkak konpontzea. 5. zatia from ALBOAN on Vimeo.

Proposamen didaktikoa

Ahimsa

Bideoaren izenburu misteriotsu horren (“Ahimsa”) jatorria aztertzeko eskatu taldeari, baita indarkeria eza bizitza-planteamendu gisara ere.

Gaztelu bat behar dugu defendatzeko?

Kontzienteak gara munduan dauden desberdintasunetaz edo gu desabantailan gaudenean bakarrik ohartzen gara? Nolakoa da gure jarrera eta erreakzioa honen aurrean? Lehenbizi, 5-10 lagun hautatu jokoaren begirale aritzeko. Azaldu lagun horiei gatazka bat asmatu behar dugula, eta paper batean idatzi behar dutela jokalariek esaten eta egiten duten guztia. Taldeko gainerako kideak bi taldetan banatu, A eta B. A taldekoei eman kartak, plastilina-pusketa bat eta kartatan jokatzeko alfonbratxo bat (berde horietakoa). B taldeari, berriz, eman karta-joko bat eta azalera labainkorreko gauzaren bat (kristal bat, edo xake-taula). Esan bi taldeei Erdi Aroko bi herri direla, eta gaztelu bana egin behar dutela etsaiengandik (beste taldea) babesteko. Kartekin egin behar dute gaztelua. Hogei minutu dituzte kartekin gaztelua eraikitzeko. Gaztelu altuena egiten duen taldeak irabaziko du jokoa. Baldintzak eta arauak:

Termometroa

Aurkeztu taldeari indarkeriari eta gerrari buruzko esaldi-sorta bat. Pertsona bakoitzak gai horiei buruzko “tenperatura” hartu behar du. Horretarako, 1etik 10era bitarteko puntuazioa eman behar dio esaldi bakoitzari (1, oso balio txikia du esaldiak; 10, oso balio handia). Ondoren, taldeka elkartu behar dute, “tenperaturak” elkarrekin aztertu eta esaldi bakoitzari buruz hitz egiteko.

Ni

Esan taldeari hausnarketa egiteko honetaz: nortasun pertsonala eta kolektiboa pertsonen eta taldeen arteko ohiko gatazka-iturri gisara. Esan, bestalde, nortasun ezberdinen arteko talkak eragindako benetako gatazka bat aipatzeko, eta hori gainditzeko alternatiba egokia proposatzeko.

Zine - emanaldia

Gernika, Venezuela, India eta Donostian grabatuta dagoen Ahimsa bideoaren gidoia banatu. Esan ikasleei arretaz irakurtzeko. Ondoren, bideoa proiektatu. Fitxan hutsik dauden tarteak bete behar dituzte bitartean. Hurrena, talde guztiak elkartu.

Bideo Foruma

Proiekzioaren ondoren, taldeka bildu ikasleak gidoiko datuak konparatu eta horiei buruz iritzia emateko (ikus aurreko ariketa), baita jasotako iritziak eta ondorioak eztabaidatzeko ere.

Eszena- aldaketa

Garrantzitsua al da komunikazioa gatazken konponketarako? Zertarako balio dezake elkarrizketak? Komunikazio arazoek arazo handiagoak eragin ditzakete? Konproba dezagun
Bi ahalmen handi ditu komunikazioak: batetik (harrigarria badirudi ere) gatazka sor dezake; bestetik, gatazka konpontzen lagun desake. Etengabe komunikatzen gara elkarrekin. Ba ote dakigu, ordea, behar bezala komunikatzen? Egin dezagun honako proba hau: hiru boluntario eskatuko ditugu eszena labur bat antzezteko. Horietako bakoitzak rol bat interpretatu behar du (ikusi fitxa); tadeko gainerakoek, berriz, erne begiratu eta entzun behar dituzte ”aktoreen” komunikazio-trebeziak eta jardunak. Ondoren, elkarrekin aztertu antzezpenaren alderdi esanguratsuenak, baita komunikazioaren garrantzia ere gatazkak konpontzeko. Azkenik, elkarizketaren ondorioak oinarri harturik, eszena berregin eta antzeztu.

Elkarrekin bizitzen

Nola lortzen dugu gure ikasgelan, elkartean edo taldean arazorik gabe elkarbizitzea? Nola aurre egiten diegu sortzen diren gatazkei? Azter dezagun!

Bake-epaileak

Gatazka bat tratatzerako orduan, uste dugu egokia dela bitartekotza egingo duen pertsona bat egotea? Zein da honen egitekoa? Gure inguruan gatazka bat konpondu beharko bagenu zein dira erabiliko genituzkeen mekanismoak?

Negoziatuko dugu?

Ba al dakigu zertarako balio duen negoziazioak? Gure bizitzan zein eremutan negoziatzen dugu? Zein da hain erabilia den praktika honen helburua?

Istorioak kontatuko ditugu

Taldeko kide guztiei gertatu zaie, zalantzarik gabe, honako hau: gatazka bat izan, hura gainditu eta, gainera, beste aukera batzuk ekarri dizkie. Kontatu horrelako kasuak, taldeka, eta hautatu bat antzezteko (mimika edo kantu bidez, albistegi gisara…).

Kasuak eta kontuak

Gatazka guztiei garrantzi berbera ematen al diegu? Zeren araberakoa da gure balorazioa? Honek ba al du eraginik ebazterako orduan? Zeintzuk dira gatazkaren tratamendu eta konponketarako beharrezko elementuak? Oso konplexua den egoera baten aurren zer egin dezakegu?

Azken desafioa

Nola konpontzen ditugu gatazkak? Badira gatazka berdinerako soluzio desberdinak? Imajinazioa erabiliz eta sortzaileak izanik, konpon genitzake errotuak dauden gatazkak?

Ahimsa harresia

Artea erabiliz transmititu genitzake bakearen aldeko mezuak? Imajinazio apur bat bota diezaiogun bakearen inguruko gure iritzia besteei helarazteko

Aurpegiak eta arrastoak

Gatazkak maneiatzen, tratatzen eta bake bidez konpontzen eredugarri diren pertsonen irudiak imajinatu behar dituzte. Irudiek adierazten duten ezaugarri nagusia azaldu behar dute. Hortik abiatuta, gatazkak konpontzeko dekalogoa eratu behar dute, taldeka.

© 2011 ALBOAN - Padre Lojendio, 2, 2º 48008 – Bilbao - Teléfono: 944 151 135 CC Licencia de Creative Commons