es eu en

Materialak bilatu

Bilaketa aurreratua

Heziketa baliabideak

Konta ezazu ondo

Munduko Hiritarrok. Eskubideak eta betebeharrak. Batxilergoa

5_alb_mh_der__4___640x480_

Material honek Batxilergoko ikasleekin eskubide eta betebeharren gaia lantzeko proposamen didaktiko batzuk ditu. Proposamen hau hiritartasun kontzeptua landu nahi den prozesu zabalago baten barruan kokatuta dago. Material honek duen helburu orokorra pertsona guztiok hiritar garen aldetik ditugun eskubideez eta horiek bermatzeko eta gure mundua mundu justuago eta solidarioago bat bilakatzeko bete behar ditugun betebeharrez kontzientzia hartzea da.

Proposamen didaktikoa

Zenbakiak eta pertsonak

Herrien garapena dirutan bakarrik neurtzen al da? Zein beste alderdi ezagutzea litzateke interesgarria garapenaren ikuspegi integralagoa izateko? Badakigu zer den Giza Garapenerako Indizea?

Aurrera pausutxo bat… giza garapenaren alde

Zeintzuk izan ziren 1995. urteko Giza Garapenerako gailurrean hartu ziren konpromisoak? Zein neurritan ari dira herrialdeak hartutako konpromisoak betetzen?

Nire eskubideak, bere eskubideak … gure betebeharrak

Hobeto funtzionatuko al luke munduak Giza Eskubideen Deklarazio Unibertsala existituko balitz? Biztanleok erantzukizun bat daukagu. Eskubideak eskatzeaz gain betebeharrak betetzea dagokigu?

Eskubide eta betebeharrak

Ezagutzen ditugu zeintzuk diren gure eskubideak? Gai gara antzemateko hauek urratuak diren edo ez? Zein erantzukizun eskatzen du eskubide bakoitzak? Norena da ardura hori?

Hiritarren eskubideak eta betebeharrak

Aske gara nahi duguna egiteko? Zeintzuk lirateke hiritarron betebeharrak aldarrikatzen ditugun eskubideen artean oreka egon dadin? Eta maila lokalean? Nola eraman dezakegu hau gure errealitatera?

Zein giza eskubide?

Zein eskubide sozial jasotzen ditu Espainiar Konstituzioak? Eskubide Ekonomiko, Sozial eta Kulturalen itun internazionala firmatu ostean, zein aldaketa edo aurrerabide pasatu dira 1978ko Espainiar Konstituzioan jasotzera?

Giza Garapenerako Gailurra

Uste duzu zilegi dela Giza Eskubideak kategorietan klasifikatzea? Horrek zera esan nahi al du; bizitza duina eta kalitatezkoa izateko ez direla denak behar-beharrezkoak? Betetzen al dira Gailurretan sinatzen diren akordioak? Zer eta nola egin dezakegu hauek beteak izan daitezen?

Gizon-emakume inmigranteen eskubideak

Nola azaltzen dituzte komunikabideek gutxiengoan dauden taldeak? Batzuetan iritziak gertaera balira bezala onartzen al ditugu? Nola baldintzatzen digute aurreiritziek pertsona bat juzgatzerako orduan?

Denok gara protagonista, baita inmigranteak ere.

Nolakoa litzateke mundua kultura guztiak elkarrekin biziko balira? Lortu beharreko egoera ideala da zuen ustetan edo saihestu beharreko egoera? Zer eskatzen dio gutako bakoitzari horrek?

Ordutegi askatasuna?

Dendak egun osoan zehar irekiak egon beharko lukete? Nori uste duzu on egiten diola komertzio ordutegien askatasunak? Honek guztiak zer nolako gizarte eredura eramaten gaitu? Zer nolako ondorioak eduki ditzake honek maila ekonomiko, politiko, sozial eta ingurugiroan?

Langileen eskubideak, kontsumitzaileen eskubideak

Ordutegi askatasunak lan baldintzei kalte edo mesede egiten die? Ze ondorio izan ditzake merkataritza ordutegi malgua izateak? Kontsumitzaileen eskubide bat da? Non amaitzen dira eskubide batzuk eta non hasten dira besteak? Nola bila genezake oreka?

Genoma, gizatiarra?

Aurrerapen eta aurkikuntza guztiak gizadiarentzako desiragarri eta positiboak al dira?
Zientziaren aurrerapena askatasun osoz eginikoa eta kanpo kontrolik gabea beharko luke izan?

Aurrerapen zientifikoak, giza atzerapenak ote?

Zeintzuk dira ikerketa eta manipulazio genetikoaren azken helburuak? Gurasoek badute eskubiderik eurek amestutako umea sortzeko, hobekuntza genetikoaren bitartez? Hala gertatuko balitz, jende guztiak luke aukera horretarako? Zeintzuk lirateke praktika honek ekar ditzakeen ondorioak?
Gaiari heltzeko jardueraren izenburua den galdera egingo da. Ondoren, ikasleei aurrerapen horien inguruan hausnarketa egin dezaten eskatuko zaie eta dinamizatzaileak jasoko duen ideia mordoa botako da geroago erabili ahal izateko.
Jarraian, Lee M. Silver-ren, “La vuelta al Eden” liburuaren zatia banatuko zaie ikasleei eta autorearen inguruko aipamen biografikoa eman ostean (ikus fitxa 1), banaka irakurtzeko eskatuko zaie aurretiaz azalduta, ondoren Alicen gurasoak erruztatu izango diren epaiketa simulatu egingo dela.
Behin testua irakurrita, taldea bi jarrera azalduko duten taldetan banatuko da. Jarrera bakoitzerako honakoa prestatu beharko da:
1. Gurasoen eskubidea seme-alabentzat egokiena izango dena aukeratzearen aldeko argumentuak,
2. Jarrera horren kontrako argumentuak.
Epaiketaren itxura egingo da eta ondorio batera iritsi. Azkenik, prozesua eta erabilitako argumentuak baloratuko dira eta debatea fitxa 3an azaltzen diren galderen arabera bideratuko da.

Hiesa: osasuna edo patenteak?

Aurrerapen eta aurkikuntza guztiak gizadiarentzako desiragarri eta positiboak al dira?
Zientziaren aurrerapena askatasun osoz eginikoa eta kanpo kontrolik gabea beharko luke izan?

Eskubideak eta betebeharrak

Zer iradokitzen digute posterrek eskubide eta betebeharren inguruan? Aurki ditzakegu kasu errealak gure inguru hurbilean edota mundu mailan?

Kasuak aztertzen

Nola jokatzen dugu bizitzaren egoera ezberdinen aurrean? Nola hartzen ditugu erabakiak? Baliagarria al zaigu eskubide eta betebeharren eskema pertsonen arteko erlazioetan interesek elkar talka egiten dutenean?

© 2011 ALBOAN - Padre Lojendio, 2, 2º 48008 – Bilbao - Teléfono: 944 151 135 CC Licencia de Creative Commons