es eu en

Materialak bilatu

Bilaketa aurreratua

Heziketa baliabideak

Konta ezazu ondo

Janavak

Janavak

Janavak Indiako Gujerat estatuko dantza eta musika taldea da. 2002ko azaroan, ALBOANek gonbidatuta, bira handia egin zuen EAEn eta Nafarroan. Bideo hau topaketa baten kronika da, bira horren inguruan izan ziren milaka topaketa txikiren kronika. Sukaldaritza-taillerrak, entseguak, kontzertuak… daude zinta honetan. Esanahi handiko historia txikiak kontatzen dira: mugidor bat erostea, Gernika bisitatzea… Hori dena Indiatik mundura tolerantzaiaz eta errespetuz, festaz, kulturaz eta bakez beteriko mezua zabaltzeko bidaiatzen duen artista-talde baten ikuspegitik.

Janavak. 1. zatia from ALBOAN on Vimeo.

Janavak. 2. zatia from ALBOAN on Vimeo.

Janavak. 3. zatia from ALBOAN on Vimeo.

Janavak. 4. zatia from ALBOAN on Vimeo.

Janavak. 5. zatia from ALBOAN on Vimeo.

Janavak. 6. zatia from ALBOAN on Vimeo.

Janavak. 7. zatia from ALBOAN on Vimeo.

Proposamen didaktikoa

Nola ikusten dugu geure burua? Nola ikusten gaituzte?

Zer pentsatzen dugu geure buruaz? Zure ustez, berdin ikusten al gaituzte besteek? Kulturekin ere gauza bera gerta daitekeela uste al duzu?

Papalagiak

Hezitzaileak ozen irakurri behar du testua. Bitartean, taldeko pertsonek Papalagiak marraztu behar dituzte imajinatzen dituzten bezala. Behar bada, testua berriz irakur daiteke. Ondoren, irudiak ikusi eta Papalagiei buruz eta haien ohiturei buruz eztabaidatu behar da. Papalagiak nortzuk diren jabetu ondoren (Europako gizon-emakume zuriak), azaltzen diren galderen inguruan eztabaidatu behar da.

Silueta

Nola ikusten ditugu beste kultura batzuetako pertsonak? Nola ikusten gaituzte haiek gu? Ba al dugu aldez aurretik pentsatutako ideiarik?

Jardun dezagun kulturari buruz

Zer da kultura? Jar al gaitezke ados taldean kulturari buruzko definizio bat sortzeok?

Zer dakigu Indiari buruz?

Gure ustez, zer aurki dezakegu Indian? Nolakoa da bertako jendea? Eta kaleak? Zein dira Indiako ohiturak? Ikus dezagun gure usteak errealitatearekin bat datozen ala ez.

Indiarako bidaia

Nork du beste herrialde batera bidaiatzeko gogoa? Zer iruditzen zaizue India?

Bideo-foruma

Janavaken bideoa ikusiko dugu: bideo hori Indiako dantza talde baten eta Euskadiko hainbat erakunderen artean antolatutako kulturarteko topoaketan oinarritzen da. Ea zer iruditzen zaigun.

Jarrera Kontua

Ausartuko al gara iritzia ematera? Zer dakigu kulturartekotasunari buruz? Bideoa ikusi ondoren, zer iritzi dugu agertzen diren esaldi bakoitzari buruz?
Jarduera hau garatzeko balioen barometroaren teknika erabiltzea proposatzen da.

Saltzen diguten irudia

Zer esaten digute komunikabideek beste kulturei edo herrialdeei buruz? Errealitatea islatzen duen informazioa al da? Fida al gaitezke informazio horretaz?

Korn

Topatzen dugun pertsonaren arabera, haren jatorriaren, erlijioaren edo sexuaren arabera, jarrera jakin bat espero al dugu? Mozorroak lagundu edo oztopatu egiten al digu besteekiko harremana?

Hitz egingo al dugu?

Ba al dugu jende desberdinik gure ingurune hurbilean? Jar al gintezke haien azalean, nola sentitzen garen ikusteko? Posible al da hain bizitza istorio desberdinak dituzten pertsonen arteko komunikazioa?

Zertan ari gara?

Ezagutzen al dugu gure inguruko elkarte mugimendua? Gure auzoan, jarduten al dute elkarlanean etorkinekin? Azter dezagun egoera nolakoa den eta pentsa dezagun zer egin daitekeen.

Gizarte integratu batentzako dekalogoa

Bi kultura desberdin topatzen direnean, zer gerta daiteke? Zein da gertatu beharko litzatekeen egoera ideala? Zer gomendio eman genezake? Nola eman gomendio hori?

Zatoz eta ezagutu India

Nola aurkeztuko genuke India herrialde turistikoa izan dadin?
Zenbait publizista-talde kontratatu ditu Indiako Turismo Idazkaritzak, herrialdea eta hango turismo-aukerak ezagutarazteko.

Behiekiko maitasuna

Roll playing baten bidez, Indiako behi sakratuei buruz hitz egingo dugu. Zergatik gurtzen dituzte behiak Indian? Zer-nolako esanahia du horrek gaur egun? Merezi al dute ohitura horren ondorioek?

Behiekiko maitasuna II

Taldeko kideei Indiako behien egoera deskribatzen duen testu bat eman behar zaie. Banaka testua irakurri ondoren, galdera batzuetan oinarrituta, beste kultura batzuk epaitzeko gure gizarteak duen jarrera etnozentrikoari buruzko hausnarketa egitea proposatzen da.

Indiako festa

Indiako kultur aberastasuna beste talde batzuei ezagutarazteko, Indiako festa bat antolatzea proposatzen da. Bertan hainbat stand jarri daitezke, talde desberdinek antolatuak. Adibidez:

© 2011 ALBOAN - Padre Lojendio, 2, 2º 48008 – Bilbao - Teléfono: 944 151 135 CC Licencia de Creative Commons