es eu en

Materialak bilatu

Bilaketa aurreratua

Heziketa baliabideak

Konta ezazu ondo

Munduko Hiritarrok. Parte Hartzea. Batxilergoa

Batx

Karpeta pedagogiko honek hainbat proposamen didaktiko ditu eta horien bidez, curriculumeko materia bakoitzetik abiatuta, gizartearen partaidetzaren gaia landu daiteke. Prozedurazko proposamen berrietatik abiatuz jarrerak eta balioak lantzeko apostua egiten duen materiala da.

Proposamen didaktikoa

Laguntza zalantzan jartzea

Zein da Garapenerako Laguntza Ofizialaren (aurrekontuetatik kooperaziora bideratzen den ehunekoaren) inguruan dugun iritzia? Zertan zetzan gai honen inguruan egin zen % 0.7 mobilizazioa?

Merkataritza arriskutsua

Zenbat diru xahutzen dugu armak fabrikatzen? Eta eurekin salerosten? Proportzionala al da gastu hau eta kooperazioan edo gai sozialetan inbertitzen dena? Zer dakigu gai honen inguruan dauden aldarrikapenen inguruan?

Jarrera hartzea

Zer dira elikagai transgenikoak? Zer iruditzen zaigu hauen erabilera? Informa gaitezen eta eztabaida dezagun aldeko eta kontrako argudioak kontuan izanik.

Ekologiari buruzko konbentzioa: ekintzarako proposamenak

Ingurugiroa zaintzen al dugu? Zein aspektu kontuan izan beharko genituzke bere egoera ezagutzeko? Gauden lurraldearen arabera emaitzak ezberdinak izango al lirateke?

Zorrarekin harremanetan

Zer da kanpo zorra? Nola sortu da? Nolako ondorioak ditu? Nori eragiten dio? Zer egin genezake arazo honen aurrean?

Informatzea eta sentsibilizatzea

Zer egin genezake jendeari kanpo zorraren inguruan informatzeko? Nola egin genezake jendea partaide eta protagonista egoera bidegabe honen aldaketan eragiteko?

Manifestua

Gela guztiaren artean manifestu bat idatziko dugu kanpo zorraren abolizioa bultzatzeko. Manifestu honek bi zati izango ditu: printzipioen adierazpena (arazoaren inguruko iritzia) eta ekintza proposamenak (arazoari aurre egiteko moduak).

Eztabaida edo borroka?

Zein komunikazio mota ezagutzen ditugu? Garrantzitsua al da komunikazio ez hitzezkoa mezuak egokiro ulertu ahal izateko? Espresatzeko dugun modua, pertsonen jarrerek…parte hartzea geldiarazi edo bultzatu al dezakete?
Dinamikari ekiteko, ahozko eta ahozkoa ez den hizkuntzak komunikazioan duen garrantzia azalduko da.
Aurrez telebistako eztabaida-saio bateko eztabaida edo 15 minutu inguruko eztabaida-zatia grabatuko da. Ikasleak bi taldetan banatuko dira eta bideo-emanaldian alderdi desberdinei buruzko datuak jasoko dituzte. Talde batek eztabaidan parte hartzen duten pertsonen keinuei buruzko datuak hartuko ditu, noiz egiten dituzten eta zein eragin duten. Beste taldeak parte hartzen duten pertsonei buruzko beste datu batzuk jasoko ditu: keinua zenbat aldiz egiten duten, zein tonu erabiltzen duten, zein ekarpen egiten dituzten, zein interesekin esaten duten, entzuteko duten gaitasuna. Beharrezkoa izanez gero, bideoa bitan ikus daiteke.
Ondoren, jasotako datuak sintetikoki bateratuko dira eta rolak identifikatzen saiatuko dira. Orientazio gisa, 1.1 fitxa erabil daiteke datuak jasotzeko eta 1.2 fitxa hausnartzeko.
Ariketa zerbait alda daiteke eta ahozkoa ez den komunikazioari buruzko artikuluetan eta testuetan oinarriturik lan egin, bideoa erabili beharrean.
Ahozkoa ez den komunikazioari buruzko web orri interesgarri batzuk:
http://www.multiteca.com/Apuntes/Documentos/D36-1.htm

Telebista-estudioa

Zein arazo ditugu eskolan? Bila diezaiekegu irtenbidea guztion artean? Konturatzen al gara eztabaida batean parte hartzen dugunean ditugun jarreretaz?Ikus dezagun zer konpon dezakegun eta nola konpon dezagun.
Ikasleak bi taldetan banatuko dira eta eztabaida bat egingo dutela azalduko zaie. Eztabaida hori bideoz grabatuko da. Gaia ikastetxean antzematen diren gatazkak izango dira. Eztabaidari ekiteko, ikasleentzat garrantzi gehiena duten gatazkei buruz hainbat ideia proposa daitezke (2.1 fitxan azaltzen den teknika). Eztabaidak gehienez 20 minutuko iraupena izango du eta denbora horretan arazoen matrizea egin beharko dute (2.2 fitxa).
Bi taldeak grabatutakoan, bakoitzak bere aldetik (ahal bada) bideoa aztertuko du.
Ondoren, arazoen matrizea aurkeztuko dute eztabaidako ondorioak azaltzeko.
Jarduerak bi helburu ditu. Batetik, komunikatzeko modua aztertzea (txandak errespetatzen diren, zein tonutan hitz egiten den, noiz eta zergatik sortzen den tentsioa, eztabaidak aurrera noiz egiten duen, noiz gelditzen den) eta taldearen barruan agertzen diren rolak aurkitzea (1. ariketako fitxak erabil daitezke). Gauza ez da etiketak jartzea, taldeko kide bakoitzaren motibazioak, interesak eta ekarpenak ezagutzea baizik. Bestetik, helburua da parte hartzeko ariketa bat egitea. Bertan ikastetxeko martxan eraginkortasunez parte hartzeko modu bat probatuko da.
Beraz, jarduera interesgarria da, nola komunikatu jakiteaz gain, arazoen matrizea azaldu baitaiteke eta proposamen bakoitzaren alderdi positiboak ere azpimarra baitaitezke.

Parte-hartzearen eskailera

Zer da parte hartzea? Gure eguneroko bizitzan zein eremutan parte har genezake? Egiten dugu normalean? Eta gure familian…erabakietan parte hartzen dugu?

Sareratuak

Badakigu zerbait gure aiton amonak hazi eta hezi ziren garaiaren inguruan? Desberdintasun asko dago garai hura eta gaurkoaren artean? Garrantzitsua al da iragana ezagutzea etorkizunari aurre egiteko? Zergatik? Iker dezagun!

Memoria freskatzen

Badakigu zerbait gure aiton amonak hazi eta hezi ziren garaiaren inguruan? Desberdintasun asko dago garai hura eta gaurkoaren artean? Garrantzitsua al da iragana ezagutzea etorkizunari aurre egiteko? Zergatik? Iker dezagun!

Trantsizioko mugimenduak

Trantsizio garaian nolako mugimendu sozialak izan ziren? Gaur egun ezagutzen ditugun mugimendu sozialek helburu antzekoak al dituzte? Zer egiten zuten orduan? Nola antolatuak zeuden?

Orainaren protagonistak

Zer esaten digute posterrek parte hartzearen inguruan? Zein adibide aurki genitzake eguneroko bizitzan posterrek diotenarekin lotuak?

Izendatuak?

Parte hartzeko zein era ezagutzen ditugu? Parte hartzeko era guztiak onargarriak dira edo bere helburuaren arabera baloratu beharko genuke euren baliozkotasuna? Eta pertsona desberdinek parte hartzen badute proiektu berean baina helburu indibidualak bilatzen?

© 2011 ALBOAN - Padre Lojendio, 2, 2º 48008 – Bilbao - Teléfono: 944 151 135 CC Licencia de Creative Commons