es eu en

Materialak bilatu

Bilaketa aurreratua

Heziketa baliabideak

Konta ezazu ondo

Eskubide eta betebeharrak. Gida didaktikoa

Esku

Internet bidez eta modu azkar eta dinamiko batez, hasieran eskubideen gaira hurbilketa bat aurkezten da eta geroago betebeharren gaira. Horrek batzuen eta besteen arteko oreka baten beharra izatera garamatza. Gertuko adibideen bitartez (napster, futbol partida,…) oreka horren beharra ikusiko dugu. Azkenik, gure jarduerek munduan duten eraginaz ohartzen gara. Eta azken galdera da, nolakoa nahi duzu izatea gure mundua?

Eskubideak eta betebeharrak from ALBOAN on Vimeo.

Proposamen didaktikoa

Neure munduko protagonistak

Antolatu ahal izateko arauak behar al ditugu? Zein eskubide eta betebehar eskatzen ditugu etxean, eskolan, auzoan edo munduan?

Pentsa ezazu koloreetan

Aipa ditzagun hiru eskubide hiritarrontzako oinarrizkoak kontsideratzen ditugunak. Zein betebehar bete behar ditugu pertsona guztioi eskubide hauek garantizatzeko? Aurkez dezakegu gelako beste kideentzat marrazki, mimika edo idazlan baten bidez gai honi buruz pentsatzen duguna?

Zeuk jartzen dituzu arauak

Gai al gara emaniko material batzuekin joko bat asmatzeko? Zein nolako arauak edo kondizioak dira beharrezkoak jokoaren garapen egokirako? Zer gertatzen da ez baditugu ezarritako arauak betetzen?

Lasai motel

Musika kultura transmititzeko bide bat al da? Uste dugu abesti batzuetako letrek jarrera kritikoa eta hiritarron ardura bultzatzen dutela? Zein iritzi dugu Celtas Cortos, Sabina edo Juanes bezalako kantautoreen kantetaz?

Prentsa analizatzen

Ba al dakigu zein giza eskubide urratzen diren herrialde ezberdinetan? Zein bide ditugu datu horiek ezagutzeko?

Ekintza batek hamaika hitzek baino

Ezagutzen dugu Giza Ekintzen Deklarazio Unibertsala? Zein desberdintasun dago honen eta Giza Eskubideen Deklarazio Unibertsalaren artean?

Zine emanaldia

Zer iradokitzen digute eskubideak eta betebeharren inguruko bideoko irudiek? Eta lokala eta globalaren arteko konexioaz? Zein betebehar edo erantzukizun ditugu herritarrok? Ezagutu ditzagun Iruñean, Perun edota Indian izan dituzten esperientzia batzuk!

Lehenengo inpresioak

Zer da eskubideak eta betebeharren inguruko bideoan gehien gustatu zaizuna? Eta atentzio gehien eragin dizuna? Jar ditzagun komunean iritzi desberdinak!

Konektatzen

Nolako eragina dute gure ekintzek beste pertsonen egoeran? Gure autoek botatzen duten keak ba al du Indiako deforestazioan eraginik?

Zertarako eskubidea…zertarako betebeharra…

Zein eskubide eta betebehar aurki ditzakegu letra zopan? Besterik bururatzen al zaigu? Horietako batzuk eskubideak eta betebeharren bideoan azaltzen dira.

Orekaren bila

Egin dezagun kirol pixka bat! Saia gaitezen luzera ezberdina duen lagun batekin oreka bilatzen! Zer kondizio da beharrezkoa? Eta eskubide eta betebeharren artean oreka mantentzeko zer da beharrezkoa?

Epaiketara

Nolako gatazkak ditugu gure eguneroko bizitzan? Nola konpon ditzakegu? Zer izan behar dugu kontuan gatazkak konpontzerako orduan?

Eta gu, zer?

Beste pertsonaren baten eskubiderik inoiz urratu dugula uste duzue, adierazpen askatasuna edo asoziazio librea esaterako? Sar ditzagun kasuak kaxa batean eta azter ditzagun gelako kide guztien artean!

Eskubide eta betebeharren biltzarra

Pertsona guztiek al ditugu eskubideak eta betebeharrak? Eskubide eta betebehar batzuk garrantzitsuagoak dira hitz egiten ari garen kolektiboaren arabera? Badira instrumentuak eskubideak eta betebeharrak bermatzeko kolektibo guztiei modu berean?

Karteleran

Ba al dute eskubide eta betebeharrek eta zinemako pelikulek erlaziorik euren artean? Balio dezakete gai hauen inguruan gogoeta sorrarazteko?

© 2011 ALBOAN - Padre Lojendio, 2, 2º 48008 – Bilbao - Teléfono: 944 151 135 CC Licencia de Creative Commons