es eu en

Materialak bilatu

Bilaketa aurreratua

Heziketa baliabideak

Konta ezazu ondo

8 Koadernoa. Garapenerako munduko elkarte bat sustatzea. Helburu bat baino, garapen eskubide bat

5_alb_me_8

Nazioarteko laguntza, kanpo-zorraren kitapena, merkataritza-hareman bidezkoak, gazteen enplegua, garapen bidean diren herrialdeetako oinarrizko botiken eskuragarritasuna eta kostu txikia, eta informazio eta komunikazio tekonologien onurak dira 8. MGHren gaiak. MGHak iristeko, nazioarteko aliantzak proposatzen ditu, horregatik, garapenaren aldeko nazioarteko elkartea deitzen zaio.

Kategoria: Koadernoak

Proposamen didaktikoa

Zentzudun hizkiak

Zer esan nahi dute BM, MGH edo NMF bezalako siglek? Nazioarteko erakunde gehiago ezagutzen ditugu?
“Pobreziaren Kontrako Munduko Itun”-arekin zerikusia duten siglak (1.1 fitxa) idatziko ditugu txarteltxoetan. Poltsa batean sartu, eta bikoteko bi txartel hartuko ditugu esan nahi dutena ikertzeko.

Kanpo Zorrari buruzko mapa kontzeptuala

Zer dakigu pobreziaren kontrako borrokara bideratzen den laguntzaz? Ezagutzen dugu daturik? Laguntza honetan sartuta dauden erakundeak zeintzuk dira?

Desberdintasuna... herrialde txirotu eta aberastuen arteko injustizien emaitza

Zer da Garapenerako Laguntza? Eta Bidezko Merkataritza? Entzun dugu herrialde batzuen kanpo zorrari buruzko informazioa?

Pobreziaren Kontrako Ituna... posible da

Zer da Garapenerako Laguntza Ofiziala? Zeintzuk dira laguntza hau jaso behar duten herrialdeak? Konpondu beharreko arazo nagusiak zeintzuk dira?

Nazioarteko merkataritza... bidezkoa ala bidegabekoa?

Zeintzuk dira nazioarteko merkataritzako arauak? Zer dira multinazionalak? Zer dauka esateko bidezko merkataritzak? Erosi edo erabili dugu inoiz bidezko merkataritzako produkturik?

Nor dago zorretan norekin?

Kanpo-zorraz hitz egiten entzun al dugu inoiz? Zein da bere jatorria? Ba al dago hori ezabatzeko aukerarik? Zer ondorio lituzke zorpetutako herrialdeetan?

Joka pobreziaren aurka

Ezagutzen al dugu pobreziaren aurka, mundu justuago baten alde lanean ari den herritarren erakunderik? Parte hartu al dugu behin ere gizarte-errebindikazio kanpainaren batean?

Ura eta ingurumena: Hondurasko kasua

Zer dakigu Hondurasi buruz? Iristen al zaizkigu hondurastarrak zein egoeratan bizi diren adierazten duten albisteak? Nola bizi dituzte arazoak hango zenbait herritan?
Interesgarria litzateke Hondurasen egoera ekonomiko eta soziala ikertzeko denbora bat hartzea. Interneten edo entziklopediaren batean informazioa bilatzeko eskatzen diegu.

© 2011 ALBOAN - Padre Lojendio, 2, 2º 48008 – Bilbao - Teléfono: 944 151 135 CC Licencia de Creative Commons