es eu en

Materialak bilatu

Bilaketa aurreratua

Heziketa baliabideak

Konta ezazu ondo

HAMA 2006. Neska-mutil guztiek behar dituzte irakasleak

Same 2008 eu

2006ko Hezkuntzaren Aldeko Munduko Kanpainan lehen eta bigarren hezkuntzan erabiltzeko materiala.

Proposamen didaktikoa

Zergatik eta nola etortzen gara eskolara? Nolakoa da gure eskola?

Irakasleentzako orientabideak: hasierako motibazioa pertsona batenhistoriaren bidez eta norbere esperientziari buruzko hausnarketa.

Zergatik eta nola etortzen gara eskolara? Nolakoa da gure eskola? 2. zatia

hasteko ikasleek ikastetxea margotuko dute eta gero galdera batzuk erantzuteko dituzte, Zertarako etortzen gara eskolara? Zer eginten dugu eskolan? Zer egon behar da eskolan derrigorrez? Zergatik?

Nagusia naizenean…izan nahi nuke

Irakasleentzako orientabideak: Eskolatzeak etorkizunean dituen onurak zehazteko talde-dinamika. Aurreko bi galderek taldeko hausnarketa bultzatzeko balio behar dute, hurrengo ariketa egiten hasi baino lehen.

Zer ikasi dugu eskolan?

Irakaslearentzako orientabideak: Eskolak eman diena aitortzeko ariketa da. Banaka egin behar da, eta ondoren, talde guztiarekin batera eztabaidatu beharko da.

Nolakoa izango litzateke zure bizitza irakaslerik gabe?

Irakasleentzako orientabideak: Eskolara joaterik ez balute ikasleen bizitza nolakoa izango litzatekeen idazteko taldeko ariketa.
Banatu gela 4 edo 5 ikasleko taldetan. Eska iezaiezu irudika dezatela nola izango litzatekeen beren bizitza eskolara joaterik izan ez balute, eta esan iezaiezu idazlan edo irudi baten bidez adierazteko.

Zer gertatuko litzateke eskolan irakaslerik ez balego?

Imajina ezazu egun batean eskolara joan… eta ez dagoela irakaslerik.
Denon artean egin zerrenda bat horrek izango lituzkeen onurekin eta beste bat sortuko lituzkeen eragozpenekin.

Zein dira irakasleak?

Ikasleek irakasleen irudia eta haien hezkuntzan duten garrantzia balioesteko ariketa da. Halaber, munduko irakasle guztiek eginkizun bera dutela kontura daitezen da helburua.

Zergatik behar dituzte irakasleak neska-mutil guztiek?

Irakasleentzako orientabideak: Neska-mutil guztiek irakasleak zergatik behar dituzten konturatzeko ariketa da. Ikasleei gogorarazi ordura arte zer pauso eman diren: batetik, eskolara joan izan ez balira eta heziketarik izan ez balute zer gertatuko litzatekeen konturatzea eta, bestetik, irakaslea zer den adieraztea. Hurrengo pausoa da aztertzea zergatik behar dituzten irakasleak neska-mutil guztiek.

Zer egin dezakegu?

Irakasleentzako orientabideak: Lehenik eta behin, proposatu ikasleei matematiketan zatikiei buruz ikasi dutena aplikatzeko eta emango zaizkien datuak zirkuluetan adierazteko. Helburua da kalitatezko hezkuntza jasotzeko aukerari buruz munduan dagoen injustizia islatzen duen grafikoa egitea.

Azal diezaiegun agintari politikoei irakasleen egoera

Ariketa honen helburua da Ekintzarako Mundu Astean agintari politikoei aurkeztuko zaizkien txostenak egitea.

Ni eskolara/institutura joaten naiz! (DBHko lagunek zer pentsatzen dute beren eskolari buruz?)

Gela 5 bat pertsonako taldetan antolatu, eta taldeei izena jartzeko eskatu. Talde bakoitzak azterketa bat egin behar du ikaskideei gustatzen zaizkien eskolako gauzei buruz, irakasleek ere jakin nahi baitute zer den ikasleek aldatuko luketena. Horretarako, inkesta bat egitea proposatu.

Ni eskolara/institutura joaten naiz! (Eta zuek? Zer pentsatzen duzue?)

Ariketa hau aukerakoa da. Inkestaren emaitzak bildu ondoren, gelaren iritzia ezagutzeko erabil daiteke.

Guztiok joaten gara eskolara?

Banatu gela 3 pertsonako taldetan, eta bakoitzari testigantza bat eman. Pertsona bakoitzak kasu bat irakurriko du, eta beste ikaskideei azalduko die. Hiru historien arteko berdintasunak eta ezberdintasunak adierazi behar ditu taldeak. Gero, kasuak alderatu ondoren ateratako ondorio harrigarrienak azaldu behar dizkiete gainerako ikaskideei, eta guztien artean hausnartu behar dute eskolara joatearen garrantziari buruz eta egoera bakoitzak pertsonaren bizitzaren garapenean izan ditzakeen ondorioei buruz.

Hezkuntzak zer ondorio ditu pertsonengan?

Eskatu ikasle bakoitzari bere inguruko egoera aztertzeko:

Hezkuntzak zer ondorio ditu herrialdeetan?

Eskatu ikasleei hezkuntzaren egoerari buruzko azterketa zehatzagoa egin dezaten, herrialdeen arabera. Edozein herrialde aukera daiteke edo, bestela, eskolako ikasleen, auzokideen… herrialdeak.

Hezkuntza bai, baina… zer hezkuntza?

Irakasleentzako orientabideak: Hasteko, eztabaida labur bat egin galdera hauei buruz: Edozein hezkuntza-mota baliagarria da? Badago kalitatezko hezkuntza batek izan beharko ez lukeen ezaugarririk? Zuen ustez, zer alderdik eragiten dute hezkuntzaren kalitatean?

Zein da munduko irakasleen egoera?

Eskatu ikasleei ondorengo taula irakurtzeko eta, ondoren, galderei erantzuteko, lehenik banaka eta gero taldeka.

Irakasle batek zer baldintza behar ditu bere lana ondo egiteko?

Banatu gela 4 edo 5 pertsonako taldeetan. Talde bakoitzak galdera honi erantzun behar dio: Irakasle batek zer baldintza behar ditu bere lana ondo egiteko?

Irakaslerik gabeko eskola

Proposatu ikasleei talde txikitan banatzea, galdera hauei erantzuteko: Imajinatzen al duzue irakaslerik gabeko institutu/eskola bat? Gelan irakaslerik ez izateak zer ondorio izango luke ikasleengan? Zuen irakasleek zer funtzio betetzen dute zuen hezkuntzan?

Zer egin dezakegu?

Irakasleentzako orientabideak: Banatu ondorengo testua ikasleei, eta herrialdeek beren eginbeharrak bete ditzaten ikasleek egin dezaketenari buruz hitz egitera bultzatu.

Txosten bat egitea: Azal diezaiegun agintari politikoei irakasleen egoera

Ariketa honen bidez, Ekintzarako Munduko Astean agintari politikoei aurkeztuko zaizkien txostenak / pankartak / horma-irudiak egin nahi dira.

© 2011 ALBOAN - Padre Lojendio, 2, 2º 48008 – Bilbao - Teléfono: 944 151 135 CC Licencia de Creative Commons