es eu en

Materialak bilatu

Bilaketa aurreratua

Heziketa baliabideak

Konta ezazu ondo

HAMA 2012. Eskubideak hasieratik. Hezkuntza goiztiarrak eta kalitatezkoaren alde

Hama 2012

Kontuan hartuz 2015a iristeko hiru urte baino ez direla falta eta urte hori dela Guztiontzako Hezkuntza lortzeko ezarritako data, Hezkuntzaren aldeko Mundu-kanpaina Lehen Haurtzarorako Arretan eta Hezkuntzan (LHAH) kontzentratzen da, hau da, 0 eta 6 urte arteko etapan.

- Proposamen didaktikoa bigarren hezkuntza, batxilergoa, Pertsona Heldu eta Hezkuntza Ez Formalerako
- Proposamen didaktikoa Haur hezkuntza, Lehen hezkuntza eta Hezkuntza Ez Formalerako

Proposamen didaktikoa

Txikiagoak ginenean

Seme-alaben lehen urteetan gogoratzeko, irakasleak familiak gonbidatuko dituzte eskolako jarduera batean parte hartzeko.

Eskolara bidean

Irakasleak haur baten, txotxongilo baten, panpina baten edo ikasgelan ezaguna den pertsonaia baten irudia aurkeztuko du. Pertsonaia hori alferkeriak jota dago, ez du eskolara joan nahi bakarrik dagoelako eta ez dakielako zer egin behar duen.

Jorge eta Malinda

Irakasleak bi ipuin irakurriko dizkie ikasleei baina lehenago oso gai garrantzitsu batu buruz hitz egingo dute:
Zergatik joan behar da eskolara?

Golekola

Ikasgela bi taldetan banatuko da. Talde bakoitzean eskolara joaten diren eta joaten ez diren neska-mutilak egongo dira eta sailkapen hori zozketa bidez egingo da. Eskolara joaten ez diren haurren taldeak beti izango du eskolara doazenen taldeak baino kide bat gehiago.
Ikasgela lau taldetan banatuta geratuko da. Eskolara joaten diren haurrek osatutako bi talde eta eskolara joaten ez direnek osatutako beste bi.
Zelai erdi bakoitzean eskolara joaten direnen eta joaten ez direnen talde banak jokatuko dute elkarren kontra. Talde bakoitza bereizteko petoak eta koloretako kamisetak erabiliko dira.

Jatorri bera, eskubide desberdinak

Lehenik eta behin, amaitu gabeko ipuin bat irakurriko da neba-arreba batzuen bizitzek hartu zituzten bide desberdinak kontatzeko: David eta Noha.

Hezkuntza iruditan

Jardueraren lehen zatian antzoki bat egingo dute. Horretarako, ikasgela bi taldetan banatuko da. Hasteko, talde bat irtengo da eszenara eta besteak talde horrek egiten duena behatuko du. Gero rolak aldatuko dituzte.

Ezagutzen dituzue haurren eskubideak

Irakurri biñeta hauek giza eskubideen gaia ikasleei aurkezteko: Zertaz ari dira Mafalda eta Felipe?

Hezkuntzako Auca

“Auca” komiki formako biñeta tira bat da, non errimadun esaldi bat idazten den marrazkiaren edukia azaltzeko. “Haur txikienak eskolara joaten badira, askoz ere osasuntsuago egongo dira”, “Haur hezkuntza funtsezkoa da, heldutan pertsona berezia izan nahi bada”.

Ortzadar haur eskolaren jolas handia

Ginkana joko handi bat da, non oinarri desberdinen bidez haur-eskola ideal bat eraikiko dugun haurrek berek nabaritzen dituzten premia eta eskaerekin, eta adin bakoitzari egokituz. Hori guztia gidatzeko, ortzadar handi bat margotzearen sinbolismoa erabiliko da, taldeek gainditu beharreko proben arabera.
Jokoa motibazioz beterik hasteko, istorio labur bat kontatuko zaie parte-hartzaileei sarrera gisa.

Oroitzapenen gurpila

Ikasle bakoitzak orri zuri batean idatzi beharko du haur hezkuntzaren garaiko oroitzapen bat edo, lehen haurtzaroan ikasi zuen zerbaitez gogoratzen bada, une haren irudi bat marraztuko du: eskolakoa, haurtzaindegikoa edo etxekoa.

Munduko neska-mutil guztientzako hezkuntza

Jarduera hasteko sarrera-testu hau irakurriko dugu:

Hezkuntza, gastua ala inbertsioa?

  • Haur hezkuntzaren finantzaketa publikoa funtsezkoa da 0 eta 6 urte bitarteko haurrek hezkuntzarako duten eskubidea bermatzeko.
  • Haur hezkuntza da hezkuntza sistema osoan hartzen diren ezagutzen oinarria.
  • Lehen haurtzaroak lehentasunezko arreta jaso beharko luke gobernu arduradunen aldetik, batez ere haur kalte-bera eta pobreenen kasuetan.
  • Adin goiztiar hauetan inbertsio eskuzabalak eginez gero, aurreragoko arazoak prebenitu daitezke, gero zailagoa eta garestiagoa baita esku hartzea.
  • Hezkuntza politikak politika sozial eta ekonomikoekin artikulatu behar dira.

“Aurreko baieztapenak irakurritakoan has gaitezke gaia lantzen. Era berean, Mafaldaren bideo hau ikus liteke>

Hezkuntza eta pobrezia

Guztiontzako Hezkuntzaren lehen helburua Lehen haurtzaroko Arreta eta Hezkuntza da. Hau da lehen haurtzaroko arreta eta hezkuntza integrala zabaltzea eta hobetzea, bereziki haur kalteberenen artean. Helburu honen xedea da pobreziaren eta lehen haurtzaroko desabantailen arteko lotura haustea.

0 eta 6 urte bitarteko hezkuntza. Ikasiz hazteko garaia

Hasteko, ikasleek informazioa bilatu beharko dute haurtzaindegi eta haur-eskola terminoen arteko esanahi desberdintasunari buruz. Zein terminok ematen dio garrantzi gehiago haur baten hezkuntza garatzeari? Hezkuntzako Lege Organikoaren 13.artikuluan zehazten dira haur hezkuntzak Espainian dituen helburuak. Legean haurtzaindegia ala haur-eskola islatzen da gehiago?

Nondik moztu? Haur hezkuntza eztabaidagai

Ikasgelako legebiltzarrean eztabaida bat prestatu eta garatuko da. Horretarako, ikasleek landuko den gaiari buruzko informazioa izan behar dute, alegia haur hezkuntzaren garrantziari buruzkoa, beren iritziak ongi argudiatuta egon daitezen.

Entretenimendua ala hezkuntza

Gazte nahiz heldu askorentzat haur hezkuntza urrun geratzen zaien sasoi bat da.
Hezkuntzaren etapa hori ez da sartzen momentu honetan bizi dituzten esperientzien barruan. Hala ere, hezkuntza goiztiarra funtsezkoa da gizarteak etorkizuneko erronkei indarrez aurre egin nahi badie. Eta horixe bera gertatzen da mundu mailan. Planetaren eta planetako biztanleen etorkizuna belaunaldi berrien esku dago eta belaunaldi horiek gaitasunak behar dituzte modu orekatu eta iraunkorrean bizitzen ikasteko. Entzun eta ikus dezagun CEAPA erakundearen Educación Infantil: 6 años claves para una vida bideoak erakusten diguna eta elkarrekin hausnartu dezagun haurtzaroko hezkuntza goiztiarraren garrantziaz.

Has gaitezen lanean

Badakigu hezkuntza goiztiarra, bai eskolakoa edo bai haur-eskolakoa, oso garrantzitsua dela haurrentzat edo gizartearentzat. Proposatzen da hezkuntza hori sustatzeko bultza daitezkeen ekintzei buruz hausnartzea.

Lehen haurtzaroan hezkuntza jasotzeko eskubidearen aldeko topagunea

Helburuak:
Lehen haurtzaroko arretak eta hezkuntzak duen paper erabakigarriaren inguruan kontzientziatzea eta gaitasun pertsonak nahiz kolektiboen garapena bultzatzea: Espiritu kritikoa sustatzea lehen haurtzaroko hezkuntzaren egoera aztertuz, bai eskala lokalean eta bai globalean.

Irudi Handia

Jarduera honetan hausnartu eta errepasatu egingo dugu ikasleek lehen haurtzaroko arreta eta hezkuntzaren garrantziari buruz landu duten guztia. Jarduera guztiak jorratu ondoren, irudi bat egitea proposatuko diogu ikasle, parte-hartzaile eta irakasle bakoitzari, kanpainaren
webean
aurkituko duzuen plantilla bat erabiliz. Hezkuntza maila bakoitzak irudia egiteko teknika egokitu beharko du. Haur hezkuntzan, esaterako, itsasgarriak erabili daitezke eta batxilergoan, berriz, kamera batekin edo mugikorrarekin har daiteke irudia. Garrantzitsuena da ahalik eta irudi gehien biltzea teknika desberdinekin, guztion nahiak eta asmoak islatzeko: ingurune seguru batean arreta

© 2011 ALBOAN - Padre Lojendio, 2, 2º 48008 – Bilbao - Teléfono: 944 151 135 CC Licencia de Creative Commons