es eu en

Materialak bilatu

Bilaketa aurreratua

Heziketa baliabideak

Konta ezazu ondo

Munduko Hiritarrok. Kulturartekotasuna. Lehen hezkuntza. 1. eta 2. zikloa. Adierazpen laborategia

Adierazpen laborategia

Material honek proposamen didaktikoak Lehen Hezkuntzan, 1. eta 2. zikloetan kulturartekotasuna lantzekoa aurkezten ditu.

Adierazpen-laborategiko jardueren bidez, sormena eta lankidetzan lan egitea bultzatzen da.

Sormena duenak talde-esperientziak behar ditu, hizketaldiak, bizipenak, bere sormena elikatuz eta garatuz joateko, eta haren sormenak, era berean, besteak aberasten ditu.

Proposamen didaktikoa

Elkarrekin sortuz

Aktibitate hau bikoteka eta elkar lagunduz hizki sopa bat egitean datza. Pertsonetako batek lan egingo ditugun kontzeptuekin trebatzen lagunduko dizkieten 6 hitzen definizioak izango ditu, eta besteak hitz horiek agertzen diren hizki sopa izango du. Bion artean, bertan hitzak bilatu beharko dituzte.

Bazen behin

Ipuinak kolektiboki egingo ditugu, munduko toki ezberdinetako neska-mutilak protagonistak izanda.
Aktibitatea paisai eta errealitate ezberdinak baloratzean oinarritzen da, pobrezia, azpigarapena edo indarkeriaren estereotipoetan jauzi barik. Gainera geure balioetan kontzientzia hartzen, hausnartzen eta sakontzen laguntzen du.

Kometak

Aktibitate honetan, ikasleek talde txikietan kometa bat diseinatu eta eraikiko dute, munduko leku ezberdinetako kometei buruzko txosten txiki batetik abiatuta.
Behin koemtak amaituta klase guztiari aurkeztuko dizkiete eta probatzeko momentua programatuko da.

Jolastokiko jokoak

Herri-jokoak betidanik eta munduko leku guztietan existitu dira. Ezagutzen ditugun jokoetatik abiatuta, jokatzeko beste era ezberdinei buruzko ikerketa bat egingo dugu, beste pertsonei adinei, lekuei eta kultura ezberdinei buruz galdetzen aprobetxatuz.

Batukada

Interneten bidez, eskulan liburuetan eta esperimentazioa erabilita, ikasleek batukada baten parte izango den musika tresna bat egingo dute bakarka eta berrerabilitako materialekin.
Tresnak prest egotean, irakasleen laguntzaz lantzeko erritmo bat prestatuko da, geroago ikastetxeko gainerako kideei aurkezteko.

Ospakizunen egutegia

Aktibitate honetan era kooperatiboan eta denok batera, ezagutzen ditugun jai, ospakizun, eta urteurrenak berrikusiko ditugu, eta erlijio arrazoiak, kultura arrazoiak, arrazoi pertsonalak edo historia arrazoiak kontuan hartuta sailakatuko ditugu.
Gero, ikasleek bakarka data adierazgarri batzuk hautatuko dituzte, ondoren komunean jartzean data horiek zergatik hautatu dituzten esanez. Bukatzeko, klaseak ospakizun egun bat adostuko du zer eta nola ospatu nahi duten azalduz.

Mandala

Aktibitate honetan mandala kolektibo bat egingo dugu. Erdian mundua egongo da eta bigarren borobilean klase osoko esku elkar-lotuak.
Mandala bukatzean, klasean batasun eta lan kolektiboko sinbolo bezala jarriko da.

© 2011 ALBOAN - Padre Lojendio, 2, 2º 48008 – Bilbao - Teléfono: 944 151 135 CC Licencia de Creative Commons