es eu en

Materialak bilatu

Bilaketa aurreratua

Heziketa baliabideak

Konta ezazu ondo

Zure bizitza Indian

Zure bizitza

Gujerat Indiako estatuan egiten dugun lanari esker, ALBOAN erakundean ongi dakigu zer baldintzatan dauden munduan, oro har, eta Indian, bereziki, egoera ahulean bizi diren komunitateak, eta gainera, badugu egoera hori ezagutarazteko gaitasuna. Horrez gain, nazioarteko hainbat ekimenetan hartzen dugu parte, hezkuntzari eta eskolara joateko aukerari dagokionez hainbat lekutan bizi duten egoera salatzeko eta hura
hobetzeko ahaleginean gero eta pertsona eta talde gehiagok parte har dezaten lortzeko.
Xede horrekin, ALBOAN erakundeak erakusketa interaktibo bat antolatu du Indiari, Indiako adivasi indigenei eta adivasiek eskolara joateko dituzten aukerei buruz. Helburua da Indian, oro har, eta komunitate aborigenek (adivasiek), bereziki, eskolara joateko aukerari dagokionez zer errealitate bizi duten ezagutaraztea, eta haiekiko elkartasuna areagotzea. Erakusketa hori Hezkuntzaren Aldeko Mundu Mailako Kanpainarekin lotu dugu, doako eta kalitatezko hezkuntza izatearen garrantzia azpimarratzen baitu.

Erakuskerarekin gida bat eskeintzen dizuegu zure ikasleek izan ditzaketen zalantzak argitzeko informazioa aurkituko duzu.

Helburuak

  • Munduan hezkuntzaren arloan bizi den errealitatea gerturatzea, eta jendea ekintza jakin batzuetan esku hartzera bultzatzea.
  • Adivasien errealitatea ezagutaraztea, haiek bizi duten egoera ulertzea, eta elkartasuneko ekintza jakin batzuetan esku hartzea.
  • Gizonen eta emakumeen artean dauden desberdintasunen berri ematea, giza eskubideen urraketen ikuspegia oinarri hartuta.
  • Munduari begiratzeko hainbat modu daudela ohartzea eta horretaz jabetzea, eta beste komunitate batzuetako errealitatea aztertzea.
  • Munduan dagoen pertsona- eta kultura-aniztasuna onartzeko eta kontuan hartzeko lan egitea.
  • Neska-mutilak hausnartzera bultzatzea, beren bizitzari eragin diezaioketen erabakiak hartu aurretik.
Kategoria: Erakusketak

Proposamen didaktikoa

Hezkuntzari buruzko datuak Indian

Aktibitate honetan ikasleei Indiako egoerari buruz kontzientziatu nahi zaie beren adineko neska-mutilak bereziki nabarmentzen. Horretarako, atxekitako fitxako informazioa daukate eta gainera galdera batzuk erantzun beharko dituzte internetetik edo liburuetatik ateratako informazioa erabiliz.

India zenbakitan

Aktibitate honetan ikasleei Indiari buruzko oinarrizko nozio geografikoak eta historikoak ematen zaizkie eta hiri nagusiekin mapa bat egitea proposatzen zaie haiei buruzko informazioa atxekiz bilatu behar duten informazioarekin taula bat betetzeaz aparte.

Zer dakigu Indiari buruz?

Aktibitate honetan ikasleek Idiako egoera geografikoari, erlijioari, kulturari, ohiturei eta herrialde honetako beren ikuspuntuei buruzko galderak erantzun behar dituzte. Zeregin honek kultura ezberdinen artean dauden ezberdintasunei buruz hausnartzen eta Indiako ikuspuntu berria eta zabalagoa bereganatzen lagunduko die.

Zuzena ala okerra? Edota, erlatiboa?

Aktibitate honetan ikasleek erakusketako paneletan dagoen informazioa erabiliko dute baieztapen batzuk egiak, gezurrak edo erlatiboak diren erabakitzeko. Zeregina egin ondoren erantzunak taldean eztabaidatzea proposatzen da.

Aktibitateen banaketa

Hurrengo aktibitatean ikasleak zerrendatzen diren aktibitateak bere familian nork egiten dituen erabaki beharko dute, gero geure gizartearen eta gizarte indiarraren sexuen arteko kargen baneketaren ezberdintasunei buruz hausnartzeko.

Oinarrizko beharrak

Aktibitate honetan ikasleak beharrezko premia bat eta ezinbestekoa ez dena pentsatzen dutenari buruz hausnartu behar dute gero taldearekin komunean jartzeko.

Hezkuntza denentzat

Hezkuntza denentzat bideoa Youtube-n ikusi eta gero, hezkuntza eta hezkuntzara heltzeko gune geografikoaren araberako desberdintasunei buruzko galdera baztuk erantzun behar dira eta gero erantzunak komunean jarri.

Jarduera anizkoitza

Aktibitate honetan erakusketari eta aldez aurreko alkibitateei buruz hausnarketa orokor bat egitea proposatzen da, ikusitako errealitate ezberdinak kontuan hartuz. Gainera, esperientzia interesa izan dezaketen pertsonei gomendatzean datza.
Bestalde, ikaslea Alboan sustatutako Erabakiak aldatu metodologian barruratzen da.

© 2011 ALBOAN - Padre Lojendio, 2, 2º 48008 – Bilbao - Teléfono: 944 151 135 CC Licencia de Creative Commons