es eu en

Materialak bilatu

Bilaketa aurreratua

Heziketa baliabideak

Konta ezazu ondo

Kamishibai bidez, barrez ikastea

Guía

Kamishibai tresna didaktiko gisa erabiltzeko gida didaktikoa.
Gidak zeure istorioa burutatzeko eta sortzeko jarduerak proposatzen ditu eta hiru Kamishibaiak lantzeko jarduerak ere:

Proposamen didaktikoa

Nola prestatu Kamishibai bat umeekin: istorioa

Jarduera honek Kamishibaiaren istorioa sortuko den hiru saiotan banatzen da.
Lehenengoan “Dona eta Dino” ipuina irakurtzen da Kamishibaiaren teknika aztertzeko, egituratik istorioan esku hartzen duten elementuetaraino. Hurrengo fasea ipuinaren moldaketan datza 12 sekuentziatan banatzeko, Kamishibaira egokituz eta sekuentzia bakoitza aztertuz gero irakurri ahal izateko. Azkenik, hirugarrenean, beste Kamishibai bat sortzen da baina orain ipuin mitologiko batean oinarrituta.

Nola prestatu Kamishibai bat umeekin: ilustrazioak

Jarduera honek Kamishibaiaren ilustrazioak sortuko diren bi saiotan banatzen da.
Lehenengoan ilustrazioak sortzen dira horretarako nahi den marrazketa teknika erabilita eta paraleloki ipuina ordenagailura transkribatu eta inprimatu behar da eta bigarrenean ilustrazioak testuekin lotu behar dira, azken emaitza ikusi eta biren artean istorioa kontatu.

Nola prestatu Kamishibai bat umeekin: antzokitxoa

Jarduera honek Kamishibairen antzokitxoa elaboratu behar den saio batean datza. Gutxienez antzokitxo-eredu bat izatea gomendatzen da. Halakorik ez baduzue bat eska dezakezue ALBOAN erakundearen baliabide-zentroetan.

Nola prestatu Kamishibai bat umeekin: narrazioa eta eszenaratzea

Jarduera honek Kamishibairen narrazioa eta eszenaratzea landuko den bi saiotan banatzen da.
Lehenengoan narrazioa erakargarriagoa izateko gomedioak ematen zaizkie umeei, antzezpena bikoteka entseatzen da, hobetzeko iradokizunak ematen zaizkie behar izatekotan, gonbidapendak diseinatzen dira eta giroa apaintzen da eta bigarrenean ipuinak publiko zabalari aurkezten zaizkio.

Oi, ama! Sabeleko mina dut

Aktibitatea aita, ama, alaba eta doktorea parte hartzen duten antzezpen txiki bat egitean datza. Lehenik eta behin, bakoitzak gizarteak markatzen dituen rolen arabera antzeztuko du eta gero berriz antzezten da baina rolak aldatuz.

Gogokoen dudan kolorea

Donaren eta Dinoren kolore-gustuei buruz eztabaida hasiko dugu. Behin ipuinaren alderdi hori aztertuta, koloretako arkatzen artetik gogokoen duten kolorea aukeratzeko eskatuko zaie eta idazlan txiki bat egingo dute hari buruz denak arbelean erakusten bukatuz.

Dona eta Dinoren ogibideak

Hartu mota guztietako hogibideak dituzten fitxak eta saiatu ezohikoenak ere sartzen, esaterako, pianista, kazetaria edo soroslea. Banatu arbela bi erditan eta jarri Dino eta Donaren izenak, bakoitza alde batean. Ikasleek fitxak espontaneoki altxatzen joango dira eta egokitzat jotzen duten lekuan jarriko dute arbelean konklusio kolektibo batekin bukatzeko.

Makina muntatzen

Jarduera gorputzarekin makina bat sortzean datza. Pertsona bakoitza makinaren funtsezko pieza bat izango da eta, denak elkarrekin funtzionarazi egingo dute zarata berezigarriarekin.
Lau eta zortzi pertsona bitarteko taldetan beste taldeak ikusi barik makina bat eratuko da eta gero beste taldeen aurrean erakutsiko da bakoitzak errepresentatzen duen pieza eta fabrikatze-herrialdea esanez. Behin pieza guztiak erakutsita beste taldeak zein makina den asmatu beharko dute.

Musikarekin margozten

Pertsona bakoitzak paperezko orri zuri bat eta kolore desberdinetako errotulagailuak izan behar ditu. Erritmo desberdinak jasotzen dituen hainbat kulturatako aurrez grabatutako musika sorta bat jarriko du. Ikasleek musika jarraitu beharko dute errotulagailuarekin eta kolorea aldatu beharko musikaren arabera beharrezkotzat jotzen dutenean. Azkenik, denak elkartu eta gainerakoei erakutsiko dizkiete egindako marrazkiak.

Oilo-ama

Ikasle guztiek begiak itxi behar dituzte. Jarduera orientatzen duenak belarrira xuxurlatu beharko dio ume bati: “Zu zara oilo-aita/oilo-ama”. Ondoren, ume guztiak nahasten hasiko dira eta begiak itxita dituztela beste pertsona baten eskua bilatuko dute eta “Txio-txio?” galdetuko diote. Besteak ere galdetzen badu eskua askatu eta isilik egon behar den oilo-aita/oilo-ama bilatzen jarraituko dute. Beraz, beste pertsonak erantzuten ez badu (oilo-aita/oilo-ama), ikasleak isilik eta eskua emanda jarraituko dute. Beste batek konturatzen bada, taldean sar daiteke pertsona guztiak harrapatuta geratzen diren arte. Azkenik, begiak irekitzeko eskatuko zaie.

Alegiazko bidaia emozioen etxera

Parte-hartzaileek alegiazko bidaia egingo dute. Euren eserlekuetan geratuko dira, begiak itxita. Musika suabea jarri eta etxe batzuk dituen emozioen planeta batera bidaiatzean datzan orientazio bat egitea proposatzen da. Etxeak bisitatzea eta bakoitzarekin emozio bat lantzea proposatzen da. Azkenik klasera bueltatzen da eta bidaiari buruz hitz egiten da.

Telefono hondatua

Bost boluntario eskatuko ditugu eta ikasgelatik aterako dira. Geratzen den taldeari istorio labur bat kontatuko zaio mimikaren bidez eta, ondoren, antzeztutakoa irakurriko zaie. Gero, lehen boluntarioari sartzeko esango zaio eta istorioa mimika bidez antzeztuko zaio, baina ez zaio irakurriko. Bigarren boluntarioari deitu eta lehenengoak istorioa antzeztu beharko dio mimikaz eta horrela ondoz-ondo. Jada ez dagoenenan inor kanpoan, azken pertsonati eskatuko zaio ikusitako antzezpenetik ulertu duena esan dezan eta gero jatorriko istorioa kontatuko zaie. Azkenik gertatutakoari buruz eta beste pertsona ulertzean izandako zailtasunei buruz hausnartzen da.

Aulki solidarioak

Musikaren erritmoarekin, umeek bueltak emango dituzte aulkien inguruan. Musika gelditzean, aulkietan eseri beharko dira. Musika gelditzen den bakoitzean aulki bat kenduko dugu, baina parte-hartzailerik kanporatu gabe. Beraz, denak aldi berean geratzen diren aulkietan erori gabe esertzeko modua aurkitu beharko dute.

© 2011 ALBOAN - Padre Lojendio, 2, 2º 48008 – Bilbao - Teléfono: 944 151 135 CC Licencia de Creative Commons